麥奀雲吞麵世家 (威靈頓街)

Open Now

Now Closed

今日同同事出去辦事，就系出面解決中午果餐，呢邊唔知有咩好食，就行左下系附近揾食，行到麥奀雲吞麵時，聞到都幾香，不過環境一般，間店好細，本嚟仲想繼續揾下先，但又餓了，就揀左呢間喇，同人地拼臺。蝦籽撈麵，睇上去幾多蝦籽，麵可以比你自己揀粗細嘅，呢個系細麵，就咁睇落唔系幾好味咁，但我同事話味道都可以，醬汁幾濃，淋落去麵度都幾吸收，再加上蝦籽嘅口感，覺得都算OK。我要左個都算呢度嘅招牌菜，雲吞麵，分量唔大，對男嘅嚟講可能會唔飽。我都系要左細麵身嘅，比較細軟，但口感幾好，比枧水麵口感要好少少，雲吞入邊有一只完整嘅蝦，好新鮮，仲幾彈牙，雲吞麵嘅湯底都好重要，湯都好鮮甜，都幾好味。