星座冰室 (Moved) New Location

星座冰室最出名當然蕃茄炒蛋撈麵，專登嚟探險。其中一個特色位係色水似嘔吐物。平反一下，外表雖然唔討好，但唔會睇到食欲不振。朋友估呢個係麥皮。湯底香濃，豬骨湯中有一陣陣蕃茄味，唔係多數餐廳落茄膏嘅味。掛麵效果好，每一條麵都有味。配埋啲新鮮蕃茄蓉一齊食，冇平時食公仔麵嗰種油膩感。可惜係蛋唔多，可能已經散晒。整體味道正正常常。環境裝修睇得出歷史，員工都有啲上咗年紀，疑似屋企人（？），同出面尖咀商業化唔同，多咗份懷舊同人情味。如果外國朋友黎，都會帶佢嚟試一試。