Dan Ryan's Chicago Grill (海運大廈)

Open Now

Now Closed

平日未夠12點去到餐廳，冇咩人，但食到最後都有接近半滿。餐廳有播住輕鬆既背景音樂，但如果坐正喇叭附近都幾大聲。餐廳地下全鋪地毯，可能因為咁，都難掩有陣一up 味。👶🏻餐廳kids friendly，有兒童餐具，有ikea bb highchair。仲會送氫氣球俾小朋友。見到價錢好似合理，又可以招待小朋友，又俾到位佢坐，就揀左門口有樓梯級既dan ryan's。先黎1個muffin (朱古力果仁）加2個包。 包都焗到外脆內軟，配上酸酸地既士多啤梨cream，開胃好味。muffin 朱古力味唔濃，亦好多nuts。今日餐湯係蕃茄粟米，但色水，味道同配料都好似唔係個回事，飲左幾啖就放棄了。沙律配芝麻醬，冇咩驚喜。Ribs 雖然話半份，但都比想像中多。個醬非常濃味，酸甜。肉係淋身既。薯條偏乾。但最失望既係呢個menu 上最貴既hanger steak。叫左Medium rare，黎到見到都係好似粉紅，但最多都係medium，當反轉每一舊，都係熟哂，而且都幾乾同硬身。👎🏻如果有下次，都係食返平d 既選擇好了。