東涌羅漢寺

Open Now

Now Closed

秋高氣爽，最適合到郊外逛逛。阿爸提議去羅漢寺，看過google，唔太遠，都唔錯。十一點多由太子出發，去到東涌，原來有free shuttle bus 去羅漢寺，好方便。去到羅漢寺，趁未係太多人，就食完先至行。$60/person，有4個餸，1個湯，白飯、素粥任裝。素湯先來，剛好一人一大碗，素得黎又夠濃，不過因為有羅漢果，所以甜甜地。麵醬茄子...超棒！真係絕對好食，同埋屋企好難煮得咁好食。茄子泡過油，所以特別香，個麵醬好香，又入味！用黎送飯真係一流，淨係呢碟都夠送一碗飯。蘿蔔什錦，有白蘿蔔、雲耳、脆玉瓜。清清地，都幾好食。生菜炆冬菇就好似新年屋企炆嗰d咁。冬菇好大隻，都入味。春卷 & 腐皮，春卷每人一條，腐皮每人2條。春卷唔夠喉，好味，裡面係d菜同蘿蔔絲，炸得好香脆。腐皮都香脆，不過就好油。白飯都好好食，飯粒分明，又係偏硬身嗰d，所以好好味。素粥就真係好齋，無味，不過就見到有少少菇粒同薑粒。