翠華餐廳 (Closed)

下晝同朋友去咗尖沙咀間翠華度食嘢，午餐set真係有啲貴.....所以最後都係揀咗食麵。我覺得最吸引就係冬陰功豬軟骨魚片頭米線，而我哋三個人都叫咗佢，一個朋友因為唔太食得辣既關係，就改左小辣。食落口個冬陰功湯就有少少酸，但係我自己鍾意食辣，所以我覺得佢嘅辣真係唔夠，加咗佢擺喺枱面嘅辣椒醬，佢個辣椒醬又真係幾好食喎！另一個朋友就叫咗豬軟骨米線，啲湯底同日本嘅拉麵湯底差唔多，味道都尚算唔錯。如果唔想食咁多野淨係叫淨魚蛋同魚片頭，都係一個唔錯嘅選擇，都係$42。其實整體嘅味道我覺得都係OK嘅，平民嘢食呢個價錢都算係差唔多， 但男仔就未必食得飽啦，因為個碗都有少少細。但對女仔來講就啱啱好啦！