Video
Read full review
2010-04-20
12 views
17-4-2010本來想去太古坊一帶食 dinner, 但星期六夜晚 10 間有 9 間都無開, 兜兜轉轉嚟到康怡附近, 不如又嚟食麵吧, 還掂上次嚟食完 lunch (http://www.openrice.com/restaurant/commentdetail.htm?commentid=2064590) 印象不錯. 2 人各自叫了一款撈麵, 另 share 了兩款小食, 一碟菜及一款甜品, 食完印象亦繼續不錯:-小食 #1 醉油牛脷托: 味道同上次的近乎一樣 , 不過我覺得今次的酒味唔太夠, 可以更好的.小食 #2 蒜泥小黃瓜: 近來好喜歡食拍黃瓜, 呢度的(生)蒜味夠勁, 黃瓜夠鬆脆亦夠清甜, 食落又帶少少辣及酸, 十分開胃, 作為餐前小食實在不錯. 主食揀了「鮮雞撈粗配荅拉醬」... 粗麵質地帶點煙韌, 無鹼水味;「荅拉醬」(店員話係馬拉盞, 蝦米, 魚乾 etc 炒香, 唔知點整的?) 就比鹹魚醬更香濃, 雖然無預期中的辣味, 但帶魚香及濃濃的馬拉盞味, 正 新鮮雞係雞脾及雞翼位置, 好「血」, 但雞皮爽滑, 雞肉就十分嫩, 仲有好耐無食到的雞味, 好食喎
本來想去太古坊一帶食 dinner, 但星期六夜晚 10 間有 9 間都無開, 兜兜轉轉嚟到康怡附近, 不如又嚟食麵吧, 還掂上次嚟食完 lunch (http://www.openrice.com/restaurant/commentdetail.htm?commentid=2064590) 印象不錯. 2 人各自叫了一款撈麵, 另 share 了兩款小食, 一碟菜及一款甜品, 食完印象亦繼續不錯:-
小食 #1 醉油牛脷托: 味道同上次的近乎一樣 , 不過我覺得今次的酒味唔太夠, 可以更好的.
小食 #2 蒜泥小黃瓜: 近來好喜歡食拍黃瓜, 呢度的(生)蒜味夠勁, 黃瓜夠鬆脆亦夠清甜, 食落又帶少少辣及酸, 十分開胃, 作為餐前小食實在不錯.
主食揀了「鮮雞撈粗配荅拉醬」... 粗麵質地帶點煙韌, 無鹼水味;「荅拉醬」(店員話係馬拉盞, 蝦米, 魚乾 etc 炒香, 唔知點整的?) 就比鹹魚醬更香濃, 雖然無預期中的辣味, 但帶魚香及濃濃的馬拉盞味, 正 新鮮雞係雞脾及雞翼位置, 好「血」, 但雞皮爽滑, 雞肉就十分嫩, 仲有好耐無食到的雞味, 好食喎 仲有碗湯, 帶花椒八角香, 滿意.
朋友食新鮮牛坑腩 + 魚片頭撈幼麵配鹹魚醬... 試了一件坑腩, 肉味香濃, 質地亦爽, 好食; 又試了點魚片頭, 魚味十足, 不過如常勁厚切 , 食多兩啖都幾膩.
鹹魚醬菜心: 菜心夠嫩, 淥得腍甜, 而面頭的鹹魚醬就夠晒鹹香惹味, 不過亦帶幾濃薑味, 個人唔算好喜歡.
甜品揀了朋友 C 推介的「荔枝雪餅」... 荔枝味算清香, 不過荔枝肉冰凍實淨得結冰一樣 , 而「雪餅」其他部分就帶淡淡呍呢嗱味, 不過質地似足雪得太硬的木糠布甸, 食落 sok sok 聲, 整體麻麻哋好食.
食物繼續不錯, 配套亦然, 每人 $100 埋單都合理的. 有機會再試試花雕鵝肝吧.
Post
