Video
Read full review
2016-03-16
266 views
一粥麵係愉景新城新開張既粥麵快餐店🍲 可能因為佢價錢唔算貴，所以都幾多人幫襯。呢一晚愛麗絲同屋企人就去試下，食個Dinner喇👨👩👧愛麗絲點既係魚蛋拼雲吞河。魚蛋有兩款，都好彈牙，而雲吞則係鮮蝦雲吞，有兩粒，咬落幾爽口，蝦肉都好香🍤 至於個河粉，個湯底係清湯加啲蔥粒同蒜粒，所以唔會話好濃好鹹，反而係清清地，加少少蒜調味，幾唔錯咖。爹啲就叫左茄子豬扒鍋，呢個鍋撈飯食一流，因為啲汁配埋洋蔥真係幾惹味👍🏻 茄子唔係話好淋，不過都好有洋蔥汁既味🍆 至於豬扒就好入味之餘，都好淋好易咬，口感唔錯，加上冬天食暖笠笠既鍋，特別有風味呀😎最後就係媽咪既鳯瓜排骨煲仔飯🍲 煲仔飯好淋，冇乜飯焦，而且冇一般煲仔飯既香味😟 所以反而係呢個菜有啲失手🤔 順帶一提係大部分既餐都會配例湯，而今次既湯係猴頭菇玉竹瘦肉湯，味道比較甘，會有少少苦味，不過都有果皮既味道Balance番既👍🏻
愛麗絲點既係魚蛋拼雲吞河。魚蛋有兩款，都好彈牙，而雲吞則係鮮蝦雲吞，有兩粒，咬落幾爽口，蝦肉都好香🍤 至於個河粉，個湯底係清湯加啲蔥粒同蒜粒，所以唔會話好濃好鹹，反而係清清地，加少少蒜調味，幾唔錯咖。
爹啲就叫左茄子豬扒鍋，呢個鍋撈飯食一流，因為啲汁配埋洋蔥真係幾惹味👍🏻 茄子唔係話好淋，不過都好有洋蔥汁既味🍆 至於豬扒就好入味之餘，都好淋好易咬，口感唔錯，加上冬天食暖笠笠既鍋，特別有風味呀😎
最後就係媽咪既鳯瓜排骨煲仔飯🍲 煲仔飯好淋，冇乜飯焦，而且冇一般煲仔飯既香味😟 所以反而係呢個菜有啲失手🤔
順帶一提係大部分既餐都會配例湯，而今次既湯係猴頭菇玉竹瘦肉湯，味道比較甘，會有少少苦味，不過都有果皮既味道Balance番既👍🏻
Post
