Video
Read full review
2016-03-18
927 views
木瓜豬骨湯，加 $5 蚊有得飲喇，免強夠熱啦，再熱一點會更好味。肉味特濃，基本上唔多飲到木瓜味道既，整體好好飲，無問題。今晚繼續偷懶先，我真係好睏啊 ﹗求期食個晚飯就歸家，想食勁麻辣，點知行過串燒妹又滿座，又凍又大風唔想坐街邊，唯有是但燒味飯啦 ﹗到步一個食客都無，今晚那麼好運呢，即刻霸個靚位先。order 完無耐，人潮擁到喇 ﹗燒肉鴨髀飯，又無鵝髀？鴨髀都要照殺架啦！都幫襯左盈昌有段日子，都知道切雞、乳豬都唔多掂，叉燒又麻麻地，個人排行磅依次序為燒肉、燒鵝、燒鴨、燻蹄，推介 ﹗燒肉無得頂呀，可以媲美燒腩仔質數，層次分明，好食過陳六記。化皮、油脂、脂肪、瘦肉、咸肉，渾然天成 ﹗脆滑彈棉、咸香肉甜，溶合得淋漓盡致，添上蔥花豉油既白飯，好食到忘我 ﹗又到比鵝髀次一等既鴨髀喇，唔好意思，我真係好掛住半邊嬌嫩燒鵝髀呢 ﹗好厚既鴨皮一咬噴油，邊位肥膏又一舊舊，好驚啊 ﹗一於好少理，肥膏咬走，鴨皮就照食 ﹗肉質滑中帶嚼勁，醃料味道突出，跟肉汁混和再滋潤每顆味蕾，好食啊 ﹗印象中，鴨油鵝油同樣對身體有益又唔會肥，不飽和脂肪可排出體外，溶點低而不易積聚於體內。再上網 confirm 一下，原來鴨肉更有
燒肉鴨髀飯，又無鵝髀？鴨髀都要照殺架啦！都幫襯左盈昌有段日子，都知道切雞、乳豬都唔多掂，叉燒又麻麻地，個人排行磅依次序為燒肉、燒鵝、燒鴨、燻蹄，推介 ﹗燒肉無得頂呀，可以媲美燒腩仔質數，層次分明，好食過陳六記。化皮、油脂、脂肪、瘦肉、咸肉，渾然天成 ﹗脆滑彈棉、咸香肉甜，溶合得淋漓盡致，添上蔥花豉油既白飯，好食到忘我 ﹗
又到比鵝髀次一等既鴨髀喇，唔好意思，我真係好掛住半邊嬌嫩燒鵝髀呢 ﹗好厚既鴨皮一咬噴油，邊位肥膏又一舊舊，好驚啊 ﹗一於好少理，肥膏咬走，鴨皮就照食 ﹗肉質滑中帶嚼勁，醃料味道突出，跟肉汁混和再滋潤每顆味蕾，好食啊 ﹗印象中，鴨油鵝油同樣對身體有益又唔會肥，不飽和脂肪可排出體外，溶點低而不易積聚於體內。
再上網 confirm 一下，原來鴨肉更有益，鴨肉主大補虛勞，最消毒熱，利小便，除水腫，消脹滿，利臟腑，退瘡腫，定驚癇。鴨肉有養胃、補腎的功效，能清熱、消腫，尤其適合體內熱氣引起，有大便乾結、水腫症狀者食用。侍應姐姐今次有跟酸梅醬比我喇，但個料味碟依舊勁污糟又濕淋淋，急忙搵紙巾啦，誰知唔記得帶添 ﹗算數，唯有直接倒係鴨上面啦。
依碟飯超高質，加上蔥油惹味、豉油芳香、酸梅醬醒腦開胃，三抓兩撥整碟飯消失得無影無蹤 ﹗成間舖都係麻甩佬，99% 食家都係燒鴨或燒肉喎，我坐低剩鴨一隻，食食下已經全部賣清光，依家先七點半乍喎。咁好生意開返間燒味舖玩下都好喎！堅係麻甩的浪漫，消慾擘髀飯！自從權記燒味執左後，投注站側既芯怡升左做上水燒味一哥，陳六記、行樂軒、稻香、一品乳豬都未夠班排戰 ﹗但最衰芯怡太遠又唔順路呢，只好幫襯盈昌呢。
木瓜豬骨湯
30 views
0 likes
0 comments
燒肉鴨髀飯
30 views
0 likes
0 comments
Post
