鬼金棒

Open Now

Now Closed

日本過江龍鬼金棒已經食過幾次，每次都依然食得津津有味！完全係因為佢嘅麻辣湯底令人非常上癮，食過一次就想無限回頭！！！呢度係使用電子落單方式，Scan QR code 就可以開始選擇你想要嘅食品飲品。今次都係叫我最喜歡嘅味玉辣麻味噌拉麵 (無辣，無麻)，冇錯，呢間嘢麻辣湯底著名嘅拉麵店，其實係可以揀完全走辣走麻㗎！糖心蛋味道香濃，最鍾意佢嘅流心效果，拉麵係採用較粗麵，食落有咬口。朋友叫咗玉米筍辣麻味噌拉麵(無辣，中麻），隱隱約約嘅麻香味，刺激味蕾好過癮！仲叫咗額外追加嘅增量玉米筍，份量真係so crazy, 但係都只係$30 ，非常非常非常推薦！！！！！食完辣嘢飲返啖啤酒就最正啦！