麻辣派對 (金百利廣場) (Closed)

突然想川菜，聽人講呢間「麻辣派對」幾正宗，把心一橫就試下😬😬三個女仔食唔係叫左好多野，野食叫左小辣，雖然小辣，但都幾辣🔥。拍青瓜帶有麻油蒜粒香，又有d麻辣味，青瓜咬落爽脆，口感豐富，係好好既開胃頭盤！霸王辣子田雞，炸到好香口，又好乾身，食到停唔到口😋，食到個咀腫哂都會想食😂。酸菜味型桂花魚，食落啖啖肉，而個湯有酸菜配合，所以食起黎酸酸辣辣，我地仲加左肥牛，所以食到勁飽😅。水果茶勁足料，解辣又解渴💦。食完每人仲有杯桂花冰粉，比我地解辣，又可以清下d油膩。