Video
Read full review
2020-07-20
997 views
一向唔食得辣嘅我，如果唔係 Yellopenrice 介紹，都唔知太子有呢間食重慶涼皮嘅黃店，因為就咁睇佢嘅門面同招牌，真係一啲都估佢唔到😮。呢度以前有堂食，但係自從疫情肆虐後，而家只提供外賣。叫咗個少辣嘅招牌兩姊妹涼皮，配料有芫茜，蔥，花生碎，青瓜絲同爆脆豌豆。夾一箸涼皮入口，只覺一陣冰涼嘅感覺自口腔直達體內，確係消暑佳品😎。爽滑晶瑩嘅涼皮拌住醬汁一齊食，又酸又辣，仲有強勁嘅芫茜蔥香氣，每一秒都衝擊著味蕾，正到不得了👍。配料嘅配搭亦恰到好處：青瓜絲清爽多汁，正好中和涼皮嘅辣味；花生碎同豌豆香脆有咬口，特別係後者，脆卜卜，豆味濃郁，好好食😋。意猶未盡，本來想試埋個黑糖五彩冰粉，點知忽然落起雨嚟，企喺街度食始終唔方便，唯有下回再戰。行去搭巴士，一孖嘴唇開始發麻，感覺好似畀條橡筋彈下彈下咁，久久不散。
呢度以前有堂食，但係自從疫情肆虐後，而家只提供外賣。叫咗個少辣嘅招牌兩姊妹涼皮，配料有芫茜，蔥，花生碎，青瓜絲同爆脆豌豆。夾一箸涼皮入口，只覺一陣冰涼嘅感覺自口腔直達體內，確係消暑佳品😎。爽滑晶瑩嘅涼皮拌住醬汁一齊食，又酸又辣，仲有強勁嘅芫茜蔥香氣，每一秒都衝擊著味蕾，正到不得了👍。配料嘅配搭亦恰到好處：青瓜絲清爽多汁，正好中和涼皮嘅辣味；花生碎同豌豆香脆有咬口，特別係後者，脆卜卜，豆味濃郁，好好食😋。
意猶未盡，本來想試埋個黑糖五彩冰粉，點知忽然落起雨嚟，企喺街度食始終唔方便，唯有下回再戰。行去搭巴士，一孖嘴唇開始發麻，感覺好似畀條橡筋彈下彈下咁，久久不散。
Post
