鬼金棒

Open Now

Now Closed

之前都食過銅鑼灣同埋尖沙咀分店嘅鬼金棒，今次第一次食旺角分店嘅鬼金棒，質素同樣唔錯，而且餐廳喺兆萬中心對面，地理位置更加方便。煎餃($45)餃子底部煎得香脆，餡料幾鮮甜。味玉辣麻味噌拉麵($105)拉麵一上枱，麻辣湯香氣撲鼻，辣度同麻度可以自由選擇，唔食得辣可以走辣走麻，滿足到唔同人嘅口味。我地叫咗小麻小辣，湯底幾香幾惹。叉燒厚身唔會好肥，肉質軟腍、入味。味玉既蛋黃呈橙紅色，蛋味香濃，必食。炒豆芽菜辣麻味噌拉麵($105)豆芽菜分量好多，香口爽甜。拉麵較為粗身，麵質煙韌有咬口，掛湯。