滿江紅小甜甜 (Closed)

尋日同老公即興搵嘢食，我哋都想食辣嘢🌶️🌶️🌶️所以決定重溫一下多年來冇食過嘅🔥小甜甜，一去到餐廳唔需要等位，舖頭擺設同裝修同以前一模一樣。一坐低即刻叫個麻辣魚春，點知八點都未到，佢就話賣晒🥲咁唯有叫個麻辣魚卜，嚟到我食咗一啖，我覺得個味道好腥，已經食唔到落去😢而且份量好少，又切到碎濕濕…..一啲口感同膠質都冇!鍋底全部都係白蘿蔔薯仔青瓜墊底….整體嚟講呢個麻辣魚卜唔好食。另外仲叫咗個干鍋田雞，呢個味道還可以，但田雞份量都係屬於少。另外前菜叫咗個泡椒鳳爪，呢個就不過不失。最後叫咗個花生雞腳燉湯，估唔到呢個係最出色🤩啖湯勁鮮甜，雞腳超滑，入邊有好多瘦肉，花生🥜都係燉得超淋，仲有兩粒紅棗喺入邊，勁養生。建議大家下次黎小甜甜要嗌燉湯😆❤️