漢龍雞煲烤魚

Open Now

Now Closed

呢間位於石門站旁邊專食雞煲的食店嘅雞煲真係好掂，食雞煲梗係為咗佢嘅重口味啦，不過呢間雞煲店最正就係佢個麻辣雞煲唔係一味得個辣字同鹹字，佢嘅雞煲入面好多配料，洋蔥、蒜頭、紅蔥頭、芫茜、芹菜、薑片等等嘅香料，侍應姐姐一邊幫我地炒個雞煲，D香味就一邊升出黎，好香。呢度有隻啤酒幾好飲，德國嘅麥啤，個Friend食雞煲加D麥啤落個雞煲度會正D，我試咗，倒咗一支，又真係幾香，食嘅時候就無乜酒啤，可能D酒精已經揮發晒。個雞煲食到咁上下就加湯打邊爐，我地叫咗半隻雞，佢D份量都幾多，所以唔係叫到好多其他野食。個冰豆腐超正，吸晒雞煲D味，而個墨魚滑都幾新鮮，而且非常彈牙。