Video
Read full review
2022-08-29
185 views
講到打邊爐， 多人都會聽過《火鍋撚》呢個品牌。西環呢一間《火鍋撚》， 裝修環境非常有中國特色。掛上咗紅燈籠， 除咗本地客之外，吸引咗唔少外國人黎試一下地道嘅打邊爐。打邊爐最著重嘅一定係湯底， 呢一個祖傳秘製麻辣鍋， 用上咗各式各樣嘅傳統香料， 八角、花椒、桂皮、辣椒、蔥白、小茴香等等， 亦加入咗多款藥材： 黨參、川芎、小荳蔻等， 數之不盡， 味道嘅層次豐富， 一定要品嚐過先能理解。順帶一提，湯底越滾越濃郁， 中尾段嘅湯底才是全晚嘅精華。本身麻辣鍋入面加入了鴨血以及自家製蜂巢豆腐。 鴨血口感滑溜，順滑細緻。 而蜂巢豆腐就非常之索湯， 麻辣得來不失豆味。 而且重點係，食完可以免費添加其中一樣，正。打邊爐配返支Erdinger Dunkel黑啤， 夠曬爽。呢間火鍋店其中一樣必點推介嘅係呢個黃金魚皮。 炸魚皮本身已經夠香脆， 加埋超級邪惡嘅鹹蛋黃，鹹蛋黃又夠流沙，增添一份鹹香， 真係會令人上癮。火鍋撚如用手切肥牛(細) 例牌， 雪花均勻， 牛味相當之突出， 輕輕一灼達至五成熟， 趁住仲帶點粉嫩嘅時候食， 口感最為軟滑細緻。 肥牛入口即溶，油份香濃， 而且不失牛味， 質素相當好， 果然不負手切牛
西環呢一間《火鍋撚》， 裝修環境非常有中國特色。
掛上咗紅燈籠， 除咗本地客之外，吸引咗唔少外國人黎試一下地道嘅打邊爐。
打邊爐最著重嘅一定係湯底， 呢一個祖傳秘製麻辣鍋， 用上咗各式各樣嘅傳統香料， 八角、花椒、桂皮、辣椒、蔥白、小茴香等等， 亦加入咗多款藥材： 黨參、川芎、小荳蔻等， 數之不盡， 味道嘅層次豐富， 一定要品嚐過先能理解。
順帶一提，湯底越滾越濃郁， 中尾段嘅湯底才是全晚嘅精華。
本身麻辣鍋入面加入了鴨血以及自家製蜂巢豆腐。 鴨血口感滑溜，順滑細緻。 而蜂巢豆腐就非常之索湯， 麻辣得來不失豆味。 而且重點係，食完可以免費添加其中一樣，正。
打邊爐配返支Erdinger Dunkel黑啤， 夠曬爽。
呢間火鍋店其中一樣必點推介嘅係呢個黃金魚皮。 炸魚皮本身已經夠香脆， 加埋超級邪惡嘅鹹蛋黃，鹹蛋黃又夠流沙，增添一份鹹香， 真係會令人上癮。
火鍋撚如用手切肥牛(細) 例牌， 雪花均勻， 牛味相當之突出， 輕輕一灼達至五成熟， 趁住仲帶點粉嫩嘅時候食， 口感最為軟滑細緻。 肥牛入口即溶，油份香濃， 而且不失牛味， 質素相當好， 果然不負手切牛嘅聲望。
滑捋捋嘅牛骨髓， 用嚟打麻辣邊爐就最適合不過。 牛骨髓本身冇乜味道， 但係就有滑捋捋嘅口感。 配合埋香濃嘅麻辣湯底， 香、辣並重，佐酒一流。
五彩鮮蔬藍， 有齊木耳、蕃茄、粟米、菜心、娃娃菜， 夠曬健康。 最抵錫嘅係有半份選擇， 就算兩個人嚟打邊爐， 都可以試盡各款火鍋配料。
四寶餃拼盤， 有齊咗水餃，餛飩，韭菜餃同魚皮餃。 每款都皮薄餡靚。 個人最鍾意魚皮餃， 魚香十足， 夠曬油潤。半份份量每款一隻， 啱曬貪心嘅我。
脆炸響鈴， 屬於每次打邊爐必點項目。 呢間火鍋店嘅脆炸響鈴即叫即炸， 去埋呢個酸甜汁， 無論係即食， 抑或淥3秒先食， 都同樣好吃。
最後贈送嘅呢杯豆乳沙冰， 非常之解渴醒神。 唔好睇佢細細杯， 豆味非常之香濃，而且甜度適中，實屬飯後嘅一個絕佳甜品。
Post
