Video
Read full review
2021-04-21
1930 views
之前喺雜誌見過小魚兒嘅介紹，覺得會係一個打卡勝地之餘，川菜烤魚賣相也很吸引，終於今日放工經過被吸引了幫襯。店內裝飾以霓虹為主，拍照起來特別吸引眼球，風格獨特。小魚兒主打川菜，當中我最有興趣是烤魚，這些風味不是哪裏都可以吃到的。海鱸魚-鳳梨香辣豆花 $298我們先決定好魚嘅種類，海鱸魚肉身厚實，然後選擇烤魚口味，最近潮流食鳳梨🍍，咁就一於鳳梨香辣豆花啦！至於辣度方面，我哋呢啲初級組都係揀BB辣！烤魚款式多，賣相非常吸引，海鱸魚好大條，魚肉肉質結實嫩滑，入口麻辣鮮香，我平時好懶惰食魚肉，因為怕有骨。烤魚就唔同嘅，啖啖肉魚骨唔多，雙層鋪滿金黃色的鳳梨，酸酸甜甜，更加開胃。七彩配料相當豐富，火紅色的鍋底，芫茜、豆芽、洋蔥、青瓜、雲耳，四隻角仲有滑嘟嘟豆花，醬汁濃郁，所有食材越滾越好味。稻庭烏冬 $28最後加入稻庭烏冬， 煙煙靭靭，每一條都掛滿麻辣汁，好好味好刺激。川式口水雞 $68一邊食烤魚一邊加了小吃，口水雞滿滿的麻香醬汁，花生香味濃郁，雞件入口嫩滑，好食！炸雙皮奶 $43我哋仲留肚食甜品，金黃色的炸雙皮奶 相對特別，入口香脆，內軟香甜，唔錯的選擇。總括來說，食物、環境、服務、衛生各方面都不
店內裝飾以霓虹為主，拍照起來特別吸引眼球，風格獨特。小魚兒主打川菜，當中我最有興趣是烤魚，這些風味不是哪裏都可以吃到的。
海鱸魚-鳳梨香辣豆花 $298
我們先決定好魚嘅種類，海鱸魚肉身厚實，然後選擇烤魚口味，最近潮流食鳳梨🍍，咁就一於鳳梨香辣豆花啦！至於辣度方面，我哋呢啲初級組都係揀BB辣！
烤魚款式多，賣相非常吸引，海鱸魚好大條，魚肉肉質結實嫩滑，入口麻辣鮮香，我平時好懶惰食魚肉，因為怕有骨。烤魚就唔同嘅，啖啖肉魚骨唔多，雙層鋪滿金黃色的鳳梨，酸酸甜甜，更加開胃。
七彩配料相當豐富，火紅色的鍋底，芫茜、豆芽、洋蔥、青瓜、雲耳，四隻角仲有滑嘟嘟豆花，醬汁濃郁，所有食材越滾越好味。
稻庭烏冬 $28
最後加入稻庭烏冬， 煙煙靭靭，每一條都掛滿麻辣汁，好好味好刺激。
川式口水雞 $68
一邊食烤魚一邊加了小吃，口水雞滿滿的麻香醬汁，花生香味濃郁，雞件入口嫩滑，好食！
炸雙皮奶 $43
我哋仲留肚食甜品，金黃色的炸雙皮奶 相對特別，入口香脆，內軟香甜，
唔錯的選擇。
總括來說，食物、環境、服務、衛生各方面都不錯，下次經過可以再來幫襯，試吓其他烤魚味道。
Post
