Video
Read full review
2020-11-05
1031 views
開始秋涼了，又到食煲仔飯嘅季節，而小弟事前做咗唔少功課，見呢間長期大排長龍，食評又不俗，仲要係黃店，就試吓佢啦！見網上有評論話可於當日下午5點致電book枱，但經驗係電話一係長響一係唔通，大家可以再試吓舖頭六點開始營業，我哋六點去到，已經要等36張枱了！果然人龍係名不虛傳，最終等咗1小時45分鐘先入座..而舖內座位唔多，大概得十數張枱獲得黯然銷魂掌+英雄帖 餐牌店內裝修充滿金庸小說特色，但對我就冇咩共鳴喇除咗招牌配搭，仲可以自選三餸，都係均一價錢$80，夠晒彈性👍落單後大概15分鐘就上飯，時間合理👆🏻臘味排骨煲仔飯臘味都幾香口，一半係肥肉，至於排骨就同平時酒樓食嘅無乜分別見隔離枱對情侶想食飯焦又整唔到，呢方面我有經驗，步驟好簡單：1）喺飯嘅外圍落豉油2）冚蓋焗2-5分鐘3）先食中間既飯，等煲既餘溫煎脆外圍既飯4）最後先食外圍既飯，用匙羹起飯焦就食得😋👆🏻北菇滑雞飯菇同雞都冇點醃過，味偏淡，好彩有葱油吊下味，才不叫不色我哋仲幾不幸地獲得雞背一排，冇乜肉食飯粒粒分明，軟硬適中，豬油獨有嘅油香同飯香相輔相成，再加埋甜豉油色澤實在誘人👍通菜可選蒜蓉或者馬拉盞唔
見網上有評論話可於當日下午5點致電book枱，但經驗係電話一係長響一係唔通，大家可以再試吓
舖頭六點開始營業，我哋六點去到，已經要等36張枱了！果然人龍係名不虛傳，最終等咗1小時45分鐘先入座..而舖內座位唔多，大概得十數張枱

獲得黯然銷魂掌+英雄帖 餐牌
店內裝修充滿金庸小說特色，但對我就冇咩共鳴喇
除咗招牌配搭，仲可以自選三餸，都係均一價錢$80，夠晒彈性👍
落單後大概15分鐘就上飯，時間合理

臘味排骨煲仔飯
$80
33 views
1 likes
0 comments
👆🏻臘味排骨煲仔飯
臘味都幾香口，一半係肥肉，至於排骨就同平時酒樓食嘅無乜分別

見隔離枱對情侶想食飯焦又整唔到，呢方面我有經驗，步驟好簡單：
1）喺飯嘅外圍落豉油
2）冚蓋焗2-5分鐘
3）先食中間既飯，等煲既餘溫煎脆外圍既飯
4）最後先食外圍既飯，用匙羹起飯焦就食得😋

北菇滑雞煲仔飯
$80
41 views
0 likes
0 comments
👆🏻北菇滑雞飯
菇同雞都冇點醃過，味偏淡，好彩有葱油吊下味，才不叫不色
我哋仲幾不幸地獲得雞背一排，冇乜肉食

飯粒粒分明，軟硬適中，豬油獨有嘅油香同飯香相輔相成，再加埋甜豉油色澤實在誘人👍

蒜蓉燒通菜
$45
41 views
0 likes
0 comments
通菜可選蒜蓉或者馬拉盞
唔算好油，有金銀蒜，幾有誠意
埋單加一後$245，個人認為唔太值，飯雖然做得出色，可惜餸一般。
呢度出名秘製豬油可以任落，從營養學角度動物油脂富含飽和脂肪，不利於心血管健康。⚠️
而英國BBC曾經報道過豬油係［十大健康食品］，指佢含有豐富維生素B，但食用油本來就唔係吸收B既重要來源。BBC又指豬油相比牛油更健康，但係我想講未至於係［健康食品］既。🤷🏻♂️
點都好，要落控制份量啦（建議一餐不多於一茶匙）🤏
Post
