Explorer Fusion Restaurant (Closed)

😘好耐冇出街啦，今次reu揀左去石門食黃到金的fusion菜😍，一入到去餐廳，就已經見到連儂牆同埋民主女神。入面的環境偏向浪漫小小，坐得都算舒服，不過要留意每枱都有限時數，想傾耐小小可能要搵定下場的地點😗。(1)慢煮澳洲和牛配薯菜慢煮牛肉size比我想像中多，食落去都好Juicy又林，略嫌咸左小小，咸味蓋左D牛味(2)慢煮西班牙黑毛豬配薯角西班牙黑毛豬比我想像中有驚喜，食落去好有豬味，同個汁好match，慢煮方法保留左豬肉的肉汁，味道亦冇牛肉咁咸，值得一試。(3)卡邦尼意粉意粉粉量正常，料比連鎖餐廳多，食到有芝士味，但唔會係太漏個種，如果上面有埋隻溫泉蛋就會perfect啦(4)泰式燒大蝦伴香草辣蕃茄汁意粉估唔到有兩隻燒大蝦，配埋蕃茄汁酸酸甜甜，夏天食幾開胃，不過佢唔算好辣，如果鍾意食辣的朋友唔好有太高期望。