林記小食

Open Now

Now Closed

飛的到西貢嘆完碗太陽蛋沙嗲牛麵，但完全唔夠飽呢！女皇剛才不合口味，仍然肚餓要黎補補倉。上船前食多碟腸粉就差不多，其實都想食埋豉油雞髀，如果太飽就唔好啦！食飽飽可以安心出海喇。見餐牌寫住雞脾？從來未食過脾臟，什麼味道呢？腸粉，四條腸粉只 $10 蚊夠經濟。混醬才是精髓，有點孤寒不夠大量，未能將所有腸粉撈得均勻，辣醬甜醬麻醬芝麻豉油！蒸得透徹無馬虎，熱辣辣彈彈嫩滑充滿米香，不硬不粉無異味。混醬甜辣咸香共冶一爐，融合得天衣無縫。腸粉，混醬走辣醬，女皇不吃辣的。沒有辣味即時大打折扣，蒸得不夠時間？微溫粉硬兼備，不嫩不滑極度失望。魚蛋，只暖不熱，硬實咸咸地。粉果，超強油術滿口油，餡料空盪盪，只食到粿皮味道。牛柏葉，爽爽沒有味道。水魷，脆卜卜淡如水。所有味道全靠濃濃沙嗲汁，甜而不辣，添味不少。