Video
Read full review
2019-10-14
479 views
響黃埔返工咁耐，每日lunch食咩成為左我最大嘅難題，對於一個熱愛食中菜既人黎講，響黃埔要搵中式lunch更加係難上加難！不過皇天不負有心人，黃埔終於有新既餐廳啦，仲要係我最愛既潮州菜！！太感動了！！既然咁高興，仲要咁岩星期五，梗係事不遲疑咁去試試佢啦，一齊HAPPY FRIDAY啦！為左隆盛其事，我地今次全體出動，大陣仗咁一行8人去會一會「翡翠潮州小廚」，其實當然係因為多人可以叫多D野食嘛，哈哈！食潮州菜梗係二話不說，小二先黎上個鹵水鵝 ($128)鵝片軟腍適中，軟得黎仲有咬口，鹵水味亦剛剛好，唔會死鹹但味道好香好濃郁，分數直逼滿數，有90分！因為鹵水鵝太高分既關係，令我地忍唔到手叫多左個鹵水鴨舌($68)點知呢個鹵水鴨舌太過份啦，佢點可以仲好食過鹵水鵝架，鴨舌腍到好似連骨都可以食埋，真係要比95分！好食到大家要encore多一客椒鹽鴨舌 ($78)，不過椒鹽味就好似有D霸道，遮左本身既味道，不過外脆內嫩既鴨舌又幾特別，可以一試，所以都有80分既！骨膠原絕對係女人既補品，而有濃濃骨膠原既花生雞腳($52) 我地梗係唔會輕易放過啦。雞腳炆到起晒膠，輕輕一啜就斷左，入味非常，正常發揮，7
為左隆盛其事，我地今次全體出動，大陣仗咁一行8人去會一會「翡翠潮州小廚」，其實當然係因為多人可以叫多D野食嘛，哈哈！
食潮州菜梗係二話不說，小二先黎上個鹵水鵝 ($128)
鹵水鵝片
$128
17 views
0 likes
0 comments
鵝片軟腍適中，軟得黎仲有咬口，鹵水味亦剛剛好，唔會死鹹但味道好香好濃郁，分數直逼滿數，有90分！
因為鹵水鵝太高分既關係，令我地忍唔到手叫多左個鹵水鴨舌($68)
鹵水鴨舌
$68
46 views
0 likes
0 comments
椒鹽鴨舌
$78
19 views
0 likes
0 comments
點知呢個鹵水鴨舌太過份啦，佢點可以仲好食過鹵水鵝架，鴨舌腍到好似連骨都可以食埋，真係要比95分！好食到大家要encore多一客椒鹽鴨舌 ($78)，不過椒鹽味就好似有D霸道，遮左本身既味道，不過外脆內嫩既鴨舌又幾特別，可以一試，所以都有80分既！
骨膠原絕對係女人既補品，而有濃濃骨膠原既花生雞腳($52) 我地梗係唔會輕易放過啦。
花生雞腳
$52
26 views
0 likes
0 comments
雞腳炆到起晒膠，輕輕一啜就斷左，入味非常，正常發揮，75分！
如果話鹵水係潮州菜既男主角，蠔烙($88)就一定係女主角，所以要知道一間潮州菜餐廳有冇水準，一定要試晒呢2樣野。
蠔烙
$88
8 views
0 likes
0 comments
潮州既正宗蠔烙有別過香港食到既炸蠔餅，因為蠔烙係有加蕃薯粉響麵團當中，所以食起上黎係有煙煙韌韌既感覺，呢到既蠔烙脆邊同煙韌既平均岩岩好，而蠔仔大大粒又夠鮮，合格有突呀，我比夠90分！
出名係著手工既潮州菜，有一道好花功夫但又好簡單既菜式就係糖醋麵($88)啦。
糖醋麵
$88
19 views
0 likes
0 comments
大家聽個名都會諗有咩咁特別呀，咪麵一個，咁你就錯啦，因為糖醋麵係需要用上湯餵個麵底，餵到個麵吸引晒D上湯再慢慢煎到佢香脆，無D心機都整唔到呀，而最後食果陣潮州人會習慣加D醋同糖一齊食，去油膩感之餘，甜甜鹹鹹既特別好滋味，85分！
成日都聽到人最簡單既野就最難做得好，我非常認同架，就好似呢個方魚炒芥蘭($78)，材料簡單到不得了，但卻好味到不得了，芥蘭鮮甜爽脆，完全無渣，一咬即斷，加埋方魚既鹹香提味，一上檯即係被清盤，所以第一個100分終於出現啦！
方魚炒芥蘭
$78
19 views
0 likes
0 comments
完美既一餐一定係再有甜品作結尾，而潮州菜既甜品當中，反沙芋($68)絕對係經典之首，餐廳好貼心咁考慮到一大舊反沙芋真係太邪惡，所以出左呢個一口反沙芋既版本，一口一舊岩岩好，大滿足既一餐！因為我個人太鍾意食芋頭啦，所以佢點都有90分！
一口反沙芋
$68
18 views
0 likes
0 comments
性價比指數： (5分滿)
環境指數： (5分滿)
回頭指數：(5分滿)
Post
