德美壽司 (德民街)

Open Now

Now Closed

FD話想食抵食日本嘢，咁一定要介紹哩間餐廳比佢。餐廳裝修得好古香古色，仲有吧台位提供，好有日本feel。晚市提供多款套餐同埋散叫menu，性價比唔錯。和風三文魚沙律，沙律分量好大，有生菜，青瓜等多款配菜。三文魚有五件，都幾厚切，食落好肥美。日式醬汁比得好豪，每一啖沙律都裹曬醬汁，好清爽。燒牛舌，牛舌火候啱啱好，食落彈牙爽脆。少少鹽調出牛舌香味，唔錯。免治雞肉棒同燒魷魚須，哩兩款串燒用咗日式醬汁烤制，雞肉棒Q彈可以食到粒粒肉碎，魷魚須搭配埋蘿蔔蓉好得意。煎鵝肝帶子卷，壽司卷住鵝肝，上面鋪咗帶子同大量脆脆。食落鵝肝綿密同壽司飯好夾。脆脆增加咗口感。風味海鮮鍋，配料勁豐富，有大蝦，花蛤，魷魚，獅子狗等。大蝦差唔多有巴掌大，食落鮮甜彈牙。下面仲鋪滿蔬菜同薯粉，蔬菜嗦曬海鮮湯底，食落更加鮮甜。