陳茶館芋圓甜品專門店 (黃埔天地第3期百寶坊)

Open Now

Now Closed

之前碌社交平台見到有款新出開心果甜品幾吸引就bookmark 左，今日行開附近有分店就去試下。落完單等左一陣就有得食，第一眼望落去係草地個隻綠，一般其他開心果甜品或食品比較墨綠，可能係唔同國家既品種導致。食落去唔算凍，有開心果味，質地比想像中流質，大概係比西米露再水小小。除左開心果粒重有芋圓同雪燕，三樣加埋一齊食口感幾豐富，有軟有硬有煙韌，加上流質質地，食落去幾清新，好岩夏天食，唔知冬天有無熱食。唯一覺得可以調整係個開心果味可以豐富多小小，咁就好啦。