韓宮 (Closed)

咩都未叫，首先上咗三度前菜。泡菜、醃黃瓜筍、仲有一個菠菜冷盤，呢啲都係韓國嘢基本盤。介紹返呢度必點嘅醬油蟹加紫菜飯，竟然係$68搞得掂，超抵食呀！嘩，你睇吓啲蟹膏！我本來都對韓國菜唔係太有好感，特別係醬油蟹呢類刺身。竟然呢間嘅醬油蟹令我喜出望外，肉質鮮甜之外，蟹膏甘香肥美，食落令我不禁聯想起食緊海膽。香港咁熱，都可以食到保存得咁好既海鮮刺身，呢間店既衛生標準值得一讚！紫菜飯已經伴好左韓國麻油，淨食都十分香口出色。我哋叫咗個set B，包左四款肉：調味牛肋骨、牛小排、牛五花、烤頂級牛肉。雖然佢話份量係二人，但你都見到，多到幾乎食唔晒。有質又有量，一睇d 油花就知食材方面真係唔媽虎。令人喜出望外有燒雲耳，估唔到雲耳燒到脆脆到咁得意。標準韓國菜都要配燒芝士，佢地好細心咁放左係側邊，可依照口味煮熔食，配腸仔一流。韓燒配左三款醬汁，我地最鍾意右邊呢隻韓式醬油。店舖都好細心，每個烤爐上面都有抽油煙機，唔會食到成食烤肉味。