Video
Read full review
2023-09-28
43 views
👧🏻喺附近工作過後，約咗朋友到黃埔食飯。今次就揀咗新開既韓式小店 - 都市樂！估唔到小店食物質素幾唔錯，難怪有唔少外賣客攞返屋企食！另外好欣賞小店會問客人意見，樂於改進！🌟炸醬墨汁意粉炸醬麵食得多，炸醬意粉就真係未食過！平時食炸醬麵，啲醬汁都係杰撻撻，同埋係煮定一大鍋就咁𢳂落去撈麵。而呢到連炸醬都係即叫即煮，醬汁就比較稀，不過都幾掛身。炸醬混入唔少五花腩粒同洋蔥，幾有口感！配埋墨汁意粉🍝都幾得意。🌟辣醬炒豬肉配飯👧🏻就叫咗店員推介嘅辣醬炒豬肉配飯，炒五花腩肉都幾多，好似食極都食唔完，而辣醬Default就偏甜+唔太辣，所以店員都有問聲需唔需要加辣。配料就有洋蔥🧅、雜菌、木耳、蔥，所以成碟餸都好惹味，撈飯一流！🌟泡菜煎餅一客三件既泡菜煎餅，炸得非常香脆，唔係走粉糯既口感，好似食緊薯片咁。混入唔少泡菜，不過粉漿就唔會有好酸泡菜味。🌟韓式香炸雞球最令人意外既食物絕對係韓式香炸雞球！一份炸雞球份量非常之多，仲要有唔少肉汁，單食已經幾令人滿意。而另上既檸檬沙律醬🍋絕對發揮畫龍點睛既作用，檸檬味自然又唔會太酸，又唔洗食平時食開既甜辣醬！🌟糖漬檸檬梳打雖然一杯飲品要成$38，但夠曬大杯仲大杯過平時出
🌟炸醬墨汁意粉
炸醬麵食得多，炸醬意粉就真係未食過！平時食炸醬麵，啲醬汁都係杰撻撻，同埋係煮定一大鍋就咁𢳂落去撈麵。而呢到連炸醬都係即叫即煮，醬汁就比較稀，不過都幾掛身。炸醬混入唔少五花腩粒同洋蔥，幾有口感！配埋墨汁意粉🍝都幾得意。
🌟辣醬炒豬肉配飯
👧🏻就叫咗店員推介嘅辣醬炒豬肉配飯，炒五花腩肉都幾多，好似食極都食唔完，而辣醬Default就偏甜+唔太辣，所以店員都有問聲需唔需要加辣。配料就有洋蔥🧅、雜菌、木
耳、蔥，所以成碟餸都好惹味，撈飯一流！
🌟泡菜煎餅
一客三件既泡菜煎餅，炸得非常香脆，唔係走粉糯既口感，好似食緊薯片咁。混入唔少泡菜，不過粉漿就唔會有好酸泡菜味。
🌟韓式香炸雞球
最令人意外既食物絕對係韓式香炸雞球！一份炸雞球份量非常之多，仲要有唔少肉汁，單食已經幾令人滿意。而另上既檸檬沙律醬🍋絕對發揮畫龍點睛既作用，檸檬味自然又唔會太酸，又唔洗食平時食開既甜辣醬！
🌟糖漬檸檬梳打
雖然一杯飲品要成$38，但夠曬大杯仲大杯過平時出面飲珍珠奶茶！糖漬檸檬🍋味道非常天然，唔算好甜，仲要加埋蝶豆花，成杯飲品係紫色，夠曬吸睛👀！
Post
