Amber’s Table

Open Now

Now Closed

黃埔最近開咗好多間西餐廳，試暈晒始終Amber’s Table 最高品質，唔怪得佢哋一直人氣高企。今次我哋醒目，電話book枱。次次去親都好多人排隊。我哋叫咗佢哋個炸蝦餅伴蜆,日本蛋,三文魚籽伴牛油果醬，出奇地好食！擺相十分精緻吸引我哋係咁影相😎另外我哋都叫咗36個月黑毛豬多士，食得出佢哋用貴價食材佢哋生蠔即叫即開🦪🦪🦪🦪🦪我哋叫咗個無花果及牛油果沙律伴無花果黑醋汁，好清新同埋好醒胃👍🏻👍🏻👍🏻 意大利小龍蝦湯好重龍蝦味，好creamy 😋😋😋好想繼續追住飲。我哋四個人當然唔會放過佢嘅出名Prime斧頭扒，🥩牛味濃，靚牛，唔似出面啲普通貨色。食得出係靚野。另外佢哋嘅龍蝦意粉好出色，啲面掛滿汁，最重要係熱！佢哋嘅嘢即叫即整，唔似出邊嗰啲一早整定。好熱！好少何餐廳提供嘅碟都係熱，通常係啲高級餐廳或者酒店先會見得到👍🏻👍🏻👍🏻佢哋個自家製梨撻一流，唔太甜，好香😋😋😋我哋食得太忘形唔記得咗影呢張相🤣🤣🤣重點推介👍🏻👍🏻👍🏻👍🏻👍🏻另外佢哋最近有款甜品超好食，開心果慕絲配熱情果，為我哋晚餐畫上完美的句號。