Amber’s Table

Open Now

Now Closed

今晚陪FD到黃埔買嘢，FD話想食扒，咁encore哩間餐廳啦。餐廳已經佈置聖誕裝飾，好有聖誕feel。宜家仲推出咗聖誕到會餐單，睇落幾唔錯。棉花糖士多啤梨奶昔，成杯奶昔勁靚，上面裝飾咗數款棉花糖，會搭配埋叉方便食用。奶昔士多啤梨味好濃，但唔會好甜，食完甜甜嘅棉花糖，飲啖奶昔，好夾。法國Florte玫瑰花咖啡，用咗法國Florte粉紅玫瑰花來製作，所以成杯咖啡好香玫瑰味，咖啡唔會好苦，唔洗落糖都好飲。和牛牛骨髓配酸麵包多士,牛骨髓本身冇咩味道，哩間餐廳用咗自家制肉醬調味，搭配埋牛骨髓食落層次好豐富。牛骨髓油脂好豐富，食落會有少少滯，所以會搭配埋醋漬青瓜，解膩一流。白酒煮藍青口配蒜蓉包，藍青口足足有500g, 係用鍋送上來。白酒烹飪方式可以去掉藍青口腥味，仲可以提升藍青口鮮甜味。蒜蓉包焗得好香脆，搭配埋青口一齊食一流。煙熏扒美國肉眼，哩個係今期限定menu。肉眼煎到五成熟，切開暴曬汁水。會搭配數款醬汁，包括黑松露醬，法式芥末醬及香草牛油等，可以隨意搭配。最有特色係香草牛油，搭配埋肉眼一齊食，唔會遮蓋牛肉原味同時透出少少香草香味。自家制梨撻配香草雪糕，梨撻即叫即制，送上來餅皮酥脆，梨片香甜，