Video
Read full review
2020-11-28
184 views
💛💛💛乜記士多💛💛💛行行吓街覺得肚餓，就打開個Apps睇吓有啲乜嘢黃店可以幫襯，就見到呢一間乜記士多，咁就去睇吓啦。依間舖頭有主食，又有甜食，款式好多💕。主打係格仔餅，大部份都係大路既味道，例如朱古力、咖啡、抹茶等等。榛子朱古力格仔餅 $25我以為係Nutella嗰隻榛子醬，再搽喺格仔餅上面，點知原來係朱古力醬加榛子果仁。小店無呃我，係我一相情願覺得係我鍾意食既味😂。前後等咗大約5分鐘左右，就拎到我哋個格仔餅，格仔餅非常脆，拎住嘅時候已經feel到好鬆化，仲要暖粒粒。影完相打完卡之後，個格仔餅仲係暖嘅😍。粉漿唔算好有蛋味，不過絕對唔會食到啲粉結咗一嚿嚿，全部都好軟滑🤤。唔知係咪因為佢用啲粉好定佢整得好，所以我地食左成十分鐘，食到個枱仔餅都凍左，但仲係好鬆！佢比較厚實，絕對唔係硬或唔鬆。我講嘅厚實唔係食落佢嘅粉漿好實，而係佢裏面唔算多空氣，有空氣嘅地方平均分布係個格仔餅裏面，唔似其他舖咁樣賣空氣，我哋兩個人都完成唔到佢。其實仲有好多唔同嘅小食，例如係撈麵魚蛋、燒賣、腸仔等等，價錢都非常合理。尤其是撈麵餐😆。今次就試咗佢個格仔餅幾好食，除咗我一廂情願以為係我鍾意食嘅榛子醬之外😂。下次會試吓
行行吓街覺得肚餓，就打開個Apps睇吓有啲乜嘢黃店可以幫襯，就見到呢一間乜記士多，咁就去睇吓啦。依間舖頭有主食，又有甜食，款式好多💕。主打係格仔餅，大部份都係大路既味道，例如朱古力、咖啡、抹茶等等。
榛子朱古力格仔餅 $25
我以為係Nutella嗰隻榛子醬，再搽喺格仔餅上面，點知原來係朱古力醬加榛子果仁。小店無呃我，係我一相情願覺得係我鍾意食既味😂。前後等咗大約5分鐘左右，就拎到我哋個格仔餅，格仔餅非常脆，拎住嘅時候已經feel到好鬆化，仲要暖粒粒。影完相打完卡之後，個格仔餅仲係暖嘅😍。粉漿唔算好有蛋味，不過絕對唔會食到啲粉結咗一嚿嚿，全部都好軟滑🤤。唔知係咪因為佢用啲粉好定佢整得好，所以我地食左成十分鐘，食到個枱仔餅都凍左，但仲係好鬆！佢比較厚實，絕對唔係硬或唔鬆。我講嘅厚實唔係食落佢嘅粉漿好實，而係佢裏面唔算多空氣，有空氣嘅地方平均分布係個格仔餅裏面，唔似其他舖咁樣賣空氣，我哋兩個人都完成唔到佢。
榛子朱古力格仔餅
$25
39 views
0 likes
0 comments
其實仲有好多唔同嘅小食，例如係撈麵魚蛋、燒賣、腸仔等等，價錢都非常合理。尤其是撈麵餐😆。今次就試咗佢個格仔餅幾好食，除咗我一廂情願以為係我鍾意食嘅榛子醬之外😂。下次會試吓其他味道同埋熱食！希望多啲人會幫襯下佢啦🥺，佢依個位置真係唔會無啦啦行過。
埋單$25（無加一）
Post
