1仔冰室 (Closed)

因應疫情唔係所有枱都可以坐所以黎食飯都要早啲嚟攞位好彩都唔係等左好耐5分鐘內可以入座👉🏼吉列魚柳芝士撈公仔麵睇張相唔覺得咁大份午餐但原來黎到塊魚柳超級大連平時係黑洞嘅我都食唔晒，芝士做到拉斯嘅效果撈落啲魚柳到好夾，而且公仔麵唔會煮到好淋都仲係有煙煙韌韌嘅感覺👉🏼火腿奄列多士火腿奄列個蛋煎到好滑，包住啲火腿中間仲有蛋汁，而多士上到嚟仲係熱辣辣脆卜卜，連平時唔食多士嘅我都成舊食晒。以為中午喺紅磡食個常餐$58有啲貴，原來塊魚柳大到根本食唔晒真係超級抵食，下次會再嚟試吓其他菜式。