一浩 (Closed)

放假成日諗唔到去邊度玩，朋友就話去黃金海岸玩下，但係原來冇金海岸係冇嘢好玩㗎！搵咗間日本餐廳食下野~環境都幾舒服~雜錦刺身 ($388) 有7款刺身，當中有三文魚，呑拿魚，帶子，甜蝦，油甘魚等。。舊舊都好厚，好新鮮。食完刺身就叫埋個雜錦壽司 ($218)，有8件壽司，同刺身啲材料差不多，係差在呢度有埋蝦，玉子同三文魚子壽司。魚生都唔錯，但飯就冇咩特別，冇咩口感。食完咁多生冷野都想食翻啲熱野暖下個胃。叫咗鰻魚石鍋飯 ($168) 一塊燒好咗既鰻魚放咗係個飯面，下面舖滿咗好多蛋絲。因為石鍋飯既緣固，啲飯好快就起焦，食落好脆好有口感，但就比較乾身。