Video
Read full review
2015-02-23
1106 views
我的第1篇將軍澳食評出爐喇!!! 查實... 我應該都係第1次係將軍澳食飯...再查實... 我都係第3次入來將軍澳咋, 簡直超級大鄉里出城Feel, Wakakaka...3次都係同Honey來將軍澳的, 每次的主題都截然不同... 第1次, 睇樓!!! 又好似東港城, 又好似新寶城, 我都唔係好記得, 可能1次過睇2邊, 1邊實景1邊樓花... 第2次, 親友新居入伙House Warming... 第3次... 欲知後事如何, 請看下回分解...係東港城辦完正經事, 當然順便搵食啦... 外面落雨濕濕, 我地又人生路不熟, 順理成章係東港城食埋...事前上開餐網做咗少少調查, 呢間上海婆婆336雖然排名唔高, 但裝修幾骨子... 係... 我係鍾意食裝修... 餐牌比裝修特別, 懷舊味道濃厚...快餐店式的餐具... 硬膠...埋單無拎收據, 回家結算後好像有出入, 略為調查一下, 此店的FB專頁有提及某些優惠不包茶介... 根據照片所顯示, 只有茶, 沒有介, 而且茶是大排檔式, 絕對不值...椰菜回鍋肉 $65-- 生平最討厭的椰菜及回鍋肉的混合體, 見到網民激讚, 迷糊地又
我的第1篇將軍澳食評出爐喇!!! 查實... 我應該都係第1次係將軍澳食飯...
再查實... 我都係第3次入來將軍澳咋, 簡直超級大鄉里出城Feel, Wakakaka...
3次都係同Honey來將軍澳的, 每次的主題都截然不同... 第1次, 睇樓!!! 又好似東港城, 又好似新寶城, 我都唔係好記得, 可能1次過睇2邊, 1邊實景1邊樓花... 第2次, 親友新居入伙House Warming... 第3次... 欲知後事如何, 請看下回分解...
係東港城辦完正經事, 當然順便搵食啦... 外面落雨濕濕, 我地又人生路不熟, 順理成章係東港城食埋...
事前上開餐網做咗少少調查, 呢間上海婆婆336雖然排名唔高, 但裝修幾骨子... 係... 我係鍾意食裝修...
餐牌比裝修特別, 懷舊味道濃厚...
快餐店式的餐具... 硬膠...
埋單無拎收據, 回家結算後好像有出入, 略為調查一下, 此店的FB專頁有提及某些優惠不包茶介... 根據照片所顯示, 只有茶, 沒有介, 而且茶是大排檔式, 絕對不值...
椰菜回鍋肉 $65-- 生平最討厭的椰菜及回鍋肉的混合體, 見到網民激讚, 迷糊地又衝出戰地以身體擋子彈, 心口真係掛住個勇字... 嗯... 味道出奇地OK喎, 沒有椰菜的怪味, 醬汁不會過濃, 回鍋肉不是全肥, PASS...
開心果露筍炒牛肉粒 $85
-- 開心果同露筍都係賣飛佛, 不過... 開心果炒到濕淋淋咁, 口感好怪, Dislike... 露筍不夠爽脆, 牛肉粒不提也罷...
黃金炒飯 $62
-- 讚椰菜回鍋肉的網民讚埋黃金炒飯, 所以我又要試試... 真係好好好味呀!!! 飯粒乾爽, 粒粒分明, 鹹蛋黃平均地粘著飯身, 鹹香鮮活, 諗起都流口水... 份量驚人, 2個人食得好辛苦先可以KO...
整體評價 : 想唔到, 原來係將軍澳食飯係咁貴o架!!! 物價竟然同太古城一樣?!! 好貴呀!!! 難怪KaKaMa話貴唔抵食啦...
飽餐一頓後, 行返MTR坑口站, 見到森林家族展覽, 醒起網友CICI好似有份參展, 即時埋去八八... 原來真係呀!!! 好開心呀!!! CICI, 我打咗卡啦, 哈哈...DaDa... 第3次入來將軍澳的原因...
Honey的新玩具 Olympus OM-D E-M10!!! 有人虎現眈眈中, 嘻... 行動第一步, 插旗!!!(主動借出鬆鬆熊相機帶)Olympus OM-D E-M10的試用報告?!! 哈哈... 放心, 有時間一定會寫, 請大家耐心等候~
Post
