Butter Butler (Closed)

肥肥家族最愛東瀛遊，對日本甜點更加係十分愛好！週三晚請契妹一家食飯，收到佢送上o既小小心意，方才得知原來剛於東京贏取手信大奬o既名牛油甜品店「Butter Butler」數月前於香港銅鑼灣崇光百貨開設首間海外分店。黃金牛油蛋糕（$188/八件）：得奬名產黃組藍色o既禮盒極之搶眼。八件黃金牛油蛋糕全為獨立包裝，精美衛生又大方。黃金牛油蛋糕外層感覺就好似烘製出黎o既糕點咁脆脆地，糕身則鬆軟無比，入口即時嚐到濃厚o既牛油香，越食就越有楓糖漿o既芬芳清甜，盡顯簡單美，難怪可成為手信大奬冠軍得主！據悉，「Butter Butler」除咗招牌「黃金牛油蛋糕」有號召力之外，其他產品如「焦糖白雪餡餅」、「脆糖牛油蛋糕」、「夏威夷牛油蛋糕」都一樣咁受歡迎。