一浩 (Closed)

對上一次黎，已經係去年3月份另一半生日前後試過廚師發辦，感嘆時間過得快，都算係年紀漸長嘅特徵吧(?) 一浩位於黃金海岸商場，屬於屯門區少有嘅高檔次日本料理。餐廳面積非常大，有壽司吧、席前鐵板燒、房間，闊落好坐。就算唔係住附近，襯假日入黎走一走，睇下海景，都係賞心樂事週六晚市，人流唔多，店員安排我地坐半圓形枱，空間感足。有別於平時食開嘅日本料理，店員整體年齡比較輕，可能場地大啦，招呼起來冇咁得心應手，要搵人加茶都需要耐性，未夠主動。餐牌方面選擇甚多，由沙律、壽司、刺身、鐵板燒、鍋物、炸物、燒物、麵類、飯類等，價格中上，亦見到有啲一人定食，比較有彈性。今日天氣稍涼，點餐主要以燒物為主。人均消費約三百多，味道唔錯，份量唔會飽到上心口，值唔值見仁見智，對我地黎講間中一次可以。蕎麥麵 $88配上一粒鵪鶉蛋，麵質清爽彈牙，都幾開胃嘅，醬汁略嫌鹹左少少。扇貝 $138扇貝好大隻，加上牛油、蒜蓉輕輕鐵板燒，以菇菌墊底。貝粒新鮮，超爽口日本阿波尾雞扒 $188雞扒起皮，以醬汁燒起，切塊方便食用。雞扒煎到剛好，肉質結實，而且入味。車厘茄煙肉串 $38、雞肉棒 $38、燒牛肋骨串 $48煙肉燒到幾香，包住一