Video
Read full review
2017-06-23
1816 views
睇過之前幾篇食評本身都驚中伏, 但食完之後覺得要黎個大平反, 食物好味, 上菜快, 服務都幾好!父親節前夕黎到, 6點幾已經要拎飛等位, 見到餐廳內既人車輪轉咁, 上菜速度可見超卓XDDD 最後等左大半個鐘終於有位啦, MENU 上都好多選擇, 價錢都合理, 重點係唔洗加一同茶芥, 而杯茶仲好香好甘, 爸爸都大讚! 等我逐一講下果日食左D咩啦, (根據上菜次序): 擔擔麵 ($46):通常D擔擔麵都會好稠身, 但呢個比較稀, 所以相對比較淡口, 如果SHARE食就會覺得唔夠香濃, 但自己食晒一碗就會覺得夠味既感覺XD 同埋份量唔少, 分左4-5小碗左右, 麵質都幾彈牙!精選冷盤拼盤($85):呢個OPTION都幾貼心, 每個小食around $62, 但呢個拼盤都係$85, 本身都以為份量會好少, 但原來都唔少架喎, 佢疊起左2層, 3-4人share 都夠, 可以試多d款呀嘛~ 1. 燻啼粉皮帶少少麻辣既香, 切得夠薄所以加埋d汁都幾惹味;2. 醉雞酒味好出, 唔係行貨, 食得到真材實料, 爸爸仲飲埋最後d酒3. 燻魚本身唔係好鐘意, 因為平時果d無乜魚肉又乾, 但呢個都算厚肉, 甜
父親節前夕黎到, 6點幾已經要拎飛等位, 見到餐廳內既人車輪轉咁, 上菜速度可見超卓XDDD 最後等左大半個鐘終於有位啦, MENU 上都好多選擇, 價錢都合理, 重點係唔洗加一同茶芥, 而杯茶仲好香好甘, 爸爸都大讚!
等我逐一講下果日食左D咩啦, (根據上菜次序):
擔擔麵 ($46):
通常D擔擔麵都會好稠身, 但呢個比較稀, 所以相對比較淡口, 如果SHARE食就會覺得唔夠香濃, 但自己食晒一碗就會覺得夠味既感覺XD 同埋份量唔少, 分左4-5小碗左右, 麵質都幾彈牙!
擔擔麵
$46
74 views
1 likes
0 comments
精選冷盤拼盤($85):
呢個OPTION都幾貼心, 每個小食around $62, 但呢個拼盤都係$85, 本身都以為份量會好少, 但原來都唔少架喎, 佢疊起左2層, 3-4人share 都夠, 可以試多d款呀嘛~
1. 燻啼粉皮帶少少麻辣既香, 切得夠薄所以加埋d汁都幾惹味;
2. 醉雞酒味好出, 唔係行貨, 食得到真材實料, 爸爸仲飲埋最後d酒
3. 燻魚本身唔係好鐘意, 因為平時果d無乜魚肉又乾, 但呢個都算厚肉, 甜甜地幾好味!
精選冷盤拼盤
$85
35 views
0 likes
0 comments
鍋貼($35):
本身覺得呢個鍋貼有d貴, 平均都$12一隻, 不過真係值既, 一咬落去會爆汁, 底部煎得好香脆, 又唔會成口油, 真係好好食!!
鍋貼
$35
40 views
1 likes
0 comments
酸辣湯雲吞($48):
爸爸想飲酸辣湯, 但睇menu 1細盅已經要$38, 所以直接要個酸辣湯雲吞, 抵食d, 至少分到4碗架XD 呢個湯都幾開胃, 配埋雲吞其實幾飽肚!
酸辣湯雲吞
$48
72 views
0 likes
0 comments
砂窩醃篤鮮($98):
本身一睇連個名都唔知點讀XD. 但爸爸見到D金華火腿定唔知上海咸肉覺得有興趣, 見MENU張相又幾多菜所以叫黎試下, 但一上枱就覺得超級圖文不符!!!!因為D咸肉多達20舊仲要舊舊都好好食, 唔會淨係得腩肉/瘦肉, 每樣都有, 岩唔同人既合味, 個湯非常清甜, 飲左4碗都唔太口渴, 同埋份量超多, 起碼分到8碗呢個都幾推介!
砂窩醃篤鮮
$98
54 views
0 likes
0 comments
總括黎講, 爸媽食完都有讚無彈, 本身想食埋甜品但已經超飽, 埋單3位都係$312, 唔洗加一茶芥都夠食多個小食, 不過相對小菜選擇比較少同埋唔岩食, 所以都係食冷盤/小食多, 另外服務都好好, 因為呢間新開, 所以真係好多人食, D 侍應反應超快, 行步路都快過人, 有求必應, 抵讚! 呢個質素同價位絕對可以ENCORE!!!
Post
