滿江紅小甜甜 (Closed)

星期六旺角勁多人，間間餐廳都full晒，誤打誤撞嚟到呢一間食辣嘢嘅舖頭。貪佢可以5人一枱，咁樣食飯聚會都開心啲！叫咗個蒜泥白肉，焗蜆，炒土豆絲，樟木鴨，炒扁豆，酸菜桂花魚，川北粉，椒鹽豆腐，酒釀丸子。整體來講所有嘢食都好好味，不過份量比較細，可能因為我哋冇叫飯，所以叫多咗餸。同埋初頭六點幾嘅時候都冇乜人，一到咗七點幾八點就爆曬場。搞到原本想食嘅甜品，師傅都話太忙，整唔到。