Pho 778 (Closed)

幫朋友搬新居，搬完之後梗係要食番餐先啦。係灣仔道見到一間越南餐廳(Pho 778)，就入左去試下。我同朋友都係肉meat lovers 所以叫左安格斯生牛肉坑腩湯河 (HKD 58,轉set 加HKD 15)同埋安格斯生牛肉牛丸湯河 (HKD 59,轉set 加HKD 15)。兩個都係要左大分量既，而跟餐小食越南春卷，香茅蝦餅，餐飲就要左熱檸蜜。佢有教我地點食先係最惹味，先要嘗個湯底，跟住加9層塔，芽菜同埋青檸汁，分量就因人而異。跟住再嘗完一次之後，就可以再加埋是拉差醬再嘗試。 發覺跟佢個食法，真係有不同既口感同層次，有全新既感覺呀。牛坑腩好稔同塊安格斯生牛肉真係好好味，冇得輸呀。個春卷炸得好脆，裏面仲有一隻蝦，口感豐富。 至於個蝦餅，都唔錯，不過略為炸多左少少。整體黎講，都唔錯，可以再試。