Terrace in seaside (海運大廈)

Open Now

Now Closed

嘢食唔伏，但唔值咁貴當日下午4點幾入座，唔使排隊，serve我嘅男侍應幾好禮貌。成餐飯正正常常，冇乜特別。正當我覺得成個用餐體驗幾好嘅時候，有一個女侍應打破咗我成個用餐感受。我向一位啡色長直髮（當日佢扎馬尾）嘅女侍應講埋單，佢冇乜笑容，但都預咗做尼一行咁攰，又唔係fine dining，所以對尼方面都冇乜要求。但都唔係一嘢「對」張單埋尼落張枱呀大佬。佢黑面冇表情之餘，一句「多謝小姐你$xxx」或者類似嘅說話都冇。冇任何聲 + 冇表情，成個feel好似追緊我數咁… 茶記啲姐姐都好態度過佢…咁我check完單，就俾錢 (連埋4張海港城dining coupon)，之後佢突然俾翻一張coupon我話用唔到（當然又係冇表情喇）。我問點解，佢話係計加一前個金額，所以只可以用3張，之後即刻頭也不回咁走咗，但個時餐廳唔係full場，咁樣走咗佢，勁冇禮貌，同埋搞到我想即刻加多杯嘢飲用埋張coupon都唔得（個陣佢係未幫我埋單）。我有諗過，究竟嗰位女待應係咪心情差，所以服務態度先咁差呢？但又唔係㗎喎，我見住佢同某位男職員有講有笑，非常開心。如果佢都可以用翻差唔多嘅態度去工作，我嘅用餐體驗就唔會咁差了。