神燈海鮮酒家 (18廣場)

Open Now

Now Closed

飲茶食點心我就唔好，但酒樓小茶晚飯我喜歡食啊！同朋友仔你佐敦食呢間酒樓，初頭黎到都仲有位，坐左一陣已經開始滿座。椒鹽茶樹菇，諗住叫個餐前小吃，茶樹菇好爽脆，炸粉唔會厚，份量都唔少，抵吃！金湯海皇頭腐，滑滑豆腐，裡而有蝦仁，個湯你用咸蛋黃做，拌飯一流。黑松露玻璃燒鵝，見到黑孖孖，點知好驚喜，個皮好脆，好有肉味，而家有種平時食燒鵝食唔到既香。即燒乳豬，乳豬除左皮脆，乳豬肉半肥瘦，狀態非常好，食落味道剛剛好，不會過咸。糯米炒膏蟹，又真你好多蟹膏，不過蟹殼有碎碎，食起上黎要小心。最尾呢個甜品真係心心眼，個桂花糕好養生，啫喱裡面仲有粒粒靚杞子，唔太甜。仲西式牛乳布甸，一次滿足兩個願望。