松藝館 (Closed)

紀念日決定去試下係尖沙嘴新開的松藝館，呢間餐廳主打松露菜式，一入門口已經聞到一陣松露味，即刻令人胃口大增。而且好幸運地被安排坐窗邊邊，可以睇到維港景色👍🏻Truffle Tagliatelle🍝之前去法國旅行的時候食過一次，印象實在太深刻太好食，所以見到呢度有松露配手工闊條麵就立刻點。闊條麵上檯後店員會再過黎幫我地刨少少黑松露片係麵上面。寬條麵都幾彈牙，不過可能因為煮麵的汁無落到好多黑松露一齊煮，所以雖然好香黑松露味，但係係麵條本身咬落去唔夠味。同埋呢類麵凍左會唔好食，所以記住要趁熱食啊。