餃掂手工餃子雲吞專門店

屋企樓下商場開咗間餃子店，小朋友非常之鍾意食餃子，佢一見到即刻拉住我要入去食，見到價錢其實大部份都好親民，小朋友平時食開黑松露薯條，見到有黑松露餃子不停求我話想試吓，本身見到百幾蚊都有啲卻步，但原來叫湯龍鳯餃子就會送一碗狀元湯，碗狀元湯都$20 ，我喺出邊又未食過黑松露餃子，所以都決定一試·龍鳯鮫係包括晒黑皘松露餃，白松露餃較清淡，而黑松露餃子一咬開已經好香，而且原來好足料，見到好多黑松露醬，配埋狀元湯一齊食，味道真係非常好，湯底飲得出冇味精，配餃子一齊食的確係好夾。另外叫咗個粟米豬肉餃麵，咬開一粒粒粟米，面條唔係雲吞麵個隻麵會有陣鹼水味，我鍾意呢個麵質琳琳地，好味·芫荽豬肉餃反而係我嘅最愛，煎餃新鮮煎脆卜卜，而且入邊餡料非常多，豬肉同芫荽都好足料，每一隻餃都脹卜卜，好好味，食10隻八隻都唔覺溜。