Video
Read full review
2016-08-26
345 views
今次嚟到金船長搵食！之前心血來潮喺openrice搜尋＂黑松露＂～俾我發現有成21人推介呢度嘅黑松露pizza！梗係即刻book位啦～好在有book咋～坐低10分鐘就成間餐廳坐滿了！枱上嘅燈塔小燈～店內仲有各種各樣嘅船裝飾～都幾靚㗎～主餐牌以外仲有set dinner同廚師推介～餐湯：薯茸忌廉湯薯味濃郁～比平時飲開嘅忌廉湯有層次感～相對地亦比較杰～飲哂可能會有點飽肚蒜蓉包香脆～一咬落去會索索聲～而蒜味亦足夠！餐湯：海鮮蕃茄湯有別於平時嘅紅湯～佢唔係羅宋湯嚟嘅～係真．蕃茄湯～啱哂唔喜歡西芹嘅我入面嘅海鮮有少少魷魚同蝦～重點來了！重點來了！重點來了！（重要嘅事要講3次）黑松露菌醬意式馬斯卡普芝士夾心比蕯 （6吋） $108上菜時店員特意説明此pizza有3個食法：1）原味咁食最喜歡呢個食法！因為表層嘅芝士烤得脆身～個批本身就外脆內軟～再加上黑松露醬嘅鹹香！！簡直係天作之合！！2）點提子醋食個醋係微甜嘅～沾上後同鹹嘅pizza異常地夾～不過就會令個批淋咗少少睇返牆上食法介紹～原來個醋仲要係廚師自己調製～厲害！3）夾有機菜食食到第三片～可能會有少少膩～但夾咗菜後令成片pizza變得refres
之前心血來潮喺openrice搜尋＂黑松露＂～俾我發現有成21人推介呢度嘅黑松露pizza！
梗係即刻book位啦～好在有book咋～
坐低10分鐘就成間餐廳坐滿了！
枱上嘅燈塔小燈～店內仲有各種各樣嘅船裝飾～都幾靚㗎～
主餐牌以外仲有set dinner同廚師推介～
餐湯：薯茸忌廉湯薯味濃郁～比平時飲開嘅忌廉湯有層次感～相對地亦比較杰～飲哂可能會有點飽肚
蒜蓉包香脆～一咬落去會索索聲～而蒜味亦足夠！
餐湯：薯茸忌廉湯
11 views
0 likes
0 comments
有別於平時嘅紅湯～佢唔係羅宋湯嚟嘅～
係真．蕃茄湯～啱哂唔喜歡西芹嘅我
入面嘅海鮮有少少魷魚同蝦～
餐湯：海鮮蕃茄湯
15 views
0 likes
0 comments
黑松露菌醬意式馬斯卡普芝士夾心比蕯 （6吋） $108
上菜時店員特意説明此pizza有3個食法：
1）原味咁食
最喜歡呢個食法！因為表層嘅芝士烤得脆身～個批本身就外脆內軟～再加上黑松露醬嘅鹹香！！簡直係天作之合！！
2）點提子醋食
個醋係微甜嘅～沾上後同鹹嘅pizza異常地夾～不過就會令個批淋咗少少
睇返牆上食法介紹～原來個醋仲要係廚師自己調製～厲害！
3）夾有機菜食
食到第三片～可能會有少少膩～
但夾咗菜後令成片pizza變得refresh！
呢個菜嘅菜味極濃～可以同黑松露醬制衡～
彷彿變咗另一款pizza！
黑松露菌醬意式馬斯卡普芝士夾心比蕯（6吋）
$108
15 views
0 likes
0 comments
香煎泰國老虎蝦配蒜蓉牛油汁 （$168）蒜香撲鼻～因為老虎蝦上鋪住滿滿嘅蒜蓉～
虎蝦比想像中細～但有3隻所以都算抵食～
伴碟嘅包應該係同pizza一様～冇黑松露味亦香口！
而薯菜係薯蓉而非薯條～比較健康～
薯蓉幾creamy～有忌廉同牛油味。
另外仲有茄子、南瓜同翠玉瓜～全部都好鮮甜！
香煎泰國老虎蝦配蒜蓉牛油汁
$168
18 views
0 likes
0 comments
一上枱俾咁大隻豬手嚇親！太抵食了吧！
喜歡佢個蜜糖汁～甜甜哋但又唔會膩～隱約覺得有少少提子味…
豬手十分肥美～內裏軟骨等都焗好但肉依然嫩滑～
而且骨膠原豐富無比～食完可以美顏吧！（笑）
蜜糖焗豬手配蜜糖燒汁
$168
23 views
0 likes
0 comments
非常欣賞呢度凍飲唔落冰～係真材實料！
喜歡它的清新～酸酸甜甜的～等我有胃囗食埋甜品！
檸檬什飲
$38
13 views
0 likes
0 comments
盆栽造型夠可愛！
個慕思好重奶茶味～而茶味感覺有點點伯爵茶味～
不過略嫌不夠滑～但依然好味道！
港式奶茶慕思
$38
15 views
0 likes
0 comments
而且店員熱心有禮～會主動介紹食物同加水～
令人非常享受的一頓晚餐
Post
