富豪燒臘飯店 (Closed)

不經不覺沙田石門開了許多食肆，而此店剛開業無耐，店內環境光鮮闊落，生意看來不錯，去到就不用等位，但我依然要求外賣拎走。門面海報見有標榜澳門黑椒燒鵝，今次就試試有幾好味，同事就點雙拼燒味飯，可以和同事交換餸試下味。黑椒燒鵝皮食落幾香口惹味無咩肥膏，黑椒味不算濃味道剛好，鵝肉比較少得四舊，兩舊仲要係無肉。雙拼飯係义燒油雞，义燒肉質疏軟入味，油雞無咩肥膏味道不過不失尚算合格。整體上唔算抵食，但燒味算係有D質素的。