富豪燒臘飯店 (Closed)

居住在附近，晚上想食小菜，店員在門口推介可以試試，先點不是太多餐廳有的油浸筍殼魚，啫啫通菜煲，叫了每一台客幾乎都有叫的燒鵝，另外點了店員推薦的龍躉魚湯。最推薦的是魚湯，沒有添加味精，我們四個人吃，每人也有兩至三碗，從湯渣看到魚嘅骨很粗大，怪不得魚湯那麼鮮甜，另外油浸筍殼魚每晚只提供兩條，所以能夠吃得到是幸運的，魚肉很滑，恰到好處。燒鵝反而有一點失色，較多肥膏，通菜煲很有鑊氣！這間餐廳有很多種類的小菜，之前試過的煲仔菜也10分推薦。餐廳位置是在角落，希望日後有多點人去，否則不知道這間餐廳會否捱不住。

入去都只係因為唔洗等位，求其食少少野又有酒飲，因為同朋友share 食，上菜時叫侍應比2 個碗，之後發現佢比少左食燒鵝不可缺既酸梅醬，所以等佢上飲品時順便叫佢比埋酸梅醬，就係咁簡單。點知個侍應發爛渣話：「有咩要就一次過講啦，一時呢樣一時個樣，要我行黎行去！」我即刻火都黎，同佢嘈交，全餐廳都望住我地，佢仲好似想打我咁，最後仲趕我地走。從來未遇過咁差既侍應，真正趕客走！唔怪得呢間野一直都咁少人！千奇千奇唔好幫襯！

星期六晚同家人食飯，諗住買外賣加餸，見foodpanda有得叫外賣，懶懶地咪諗住叫囉。點知落咗單，家人就話之前已經衰過一次。點知，大家睇吓相都明，唔得囉。半隻黑椒燒鵝減咗價都要$236 。半隻燒鵝跟一杯黑椒汁。完全難食，皮好似A4紙，完全唔香，鵝無鵝味，都唔知點可以拎出嚟賣。最特別，隻鵝少少肥都無。仲話係招牌菜，少少黑椒味都無。燒肉半斤$90 淨係睇都知唔係路，完全唔似燒過。一樣無味，仲衰過自家製燒肉失敗個案。

石門的食店，越來越多，而且好多都好有水準，未吃已經感受到她們出色同特色的一面。前一陣子，發現了一間新開的燒臘店。可是，鼓起勇氣想去一試時，就遇上疫情爆發。但，這《富豪燒臘小廚》大大隻字寫著 "澳門特色黑椒燒鵝"，很是吸引。那一天，我忍不住了，我決定買飯盒，回公司享用。在《富豪燒臘小廚》的門口，有大大隻字宣傳他們獨有的澳門黑椒燒鵝。第一次來要一盒燒味飯走時，我已經毫不猶疑，叫了一盒叉燒燒鵝飯拿走。回到公司，一打開飯盒時，就感覺到叉燒同燒鵝的肉香。吃入口，叉燒充滿了肉香同油香，梅頭肉包括了少少的肥，令肉香味更濃厚。而燒鵝，也是肉味同鵝油味豐富的，黑椒味就在鵝肉來輕輕地爆出來，濃香鵝油香中帶著辛辣的味覺感受，好食，而且很特別。改日，路過時見到一個名叫回鍋肉粗炒的午餐，又吸引我來買多一次飯盒了。香口，中度辣的港式滬派回鍋肉，永遠都是吸引的。然而，這 style 的回鍋肉向來都多油，以往伴飯吃時，可隨意加減撈入飯的份量，而這次用來炒麵，其味道雖是濃香，但我感覺到，我其實是把食油同辣油食落肚。奶茶算是好，飲得出有香滑的感覺，而且奶味亦足夠。只是茶味不夠濃而已。論燒鵝，這《富豪燒臘小廚》的出品是出色

第一次由朋友介绍说是澳门开过来的一家很好吃的烧鹅店 一进门 饭店 看见多不人 表示很怀疑…先来半只烧鹅⋯看上还不错哦 哇 一咬 皮脆 肉香 好好吃 出乎意料！黑椒 味浓 本人比较重口味 绝对可以伴下一碗饭 超级超级嗲！秒殺其他燒鵝！再推荐个咸猪骨芥菜 浓浓的白胡椒味 咸猪骨浓汤 好好吃 感覺很解膩拔丝咕咾肉 里面肥瘦相间的肉 还拉丝 真的 超级嗲 应该是用猪颈肉做的 不會太瘦 很q！緊實！吃完后会一直惦记着的一家店 下次准备外卖半只烧鹅解馋

午餐諗住試下個焗豬扒飯，點知侍應一擺上台，我只望到好黑既焗豬，但佢都唔覺有問題，擺底就走左。不過唔緊要，最多唔食黑左既位置，點知成塊芝士都無晒😢d豬扒又林，本身個飯有抄底係唔錯，但黑到禁，望到都無胃口😫

終於有時間入石門搵食沙田一我又覺得麻麻，陳根記又太多人不如去試下富豪燒爉飯店啦一個字，掂！店舖光猛，座位舒服叫咗一份下庄，一碟蟶子同招牌咕嚕肉下庄皮脆肉滑，黑椒汁絕對係撈飯首選！蟶子有小小失望，但粉絲蒜蓉正到甩碌！咕嚕肉有拉絲，熱辣辣！如果下次多幾個人去食飯，一定會試成隻鵝同埋其他小菜侍應服務一流，態度親切下次再入石門絕對可以encore!個人認為，食燒鵝未必要食左右隔離有時候食下其他舖頭可能有新驚喜

今晚同屋企人一齊到石門人食飯，本來係去試吓一間名牌大排檔，但見下午五點鋪內已坐爆，門囗又開始有人排隊等位唯有轉去找其他地方食飯，見呢間未食過d燒鵝幾靚而且又未食過黑椒燒鵝，又唔使等位即管入去坐低試吓澳門過江龍得唔得先，我哋叫左以下幾款：招牌澳門黑椒燒鵝（半隻）燒鵝肉嫩美味，加左黑椒更加惹味而拌碟嘅醃蘿蔔非常爽脆好味食完可以化解左燒鵝嘅油膩招牌拔絲咕嚕肉咕嚕肉外脆內軟，甜度適中，真係可以拉到絲出來欖角冰梅骨入囗啖啖肉，好香甜冰梅味原隻脆皮豬手豬手非常惹味，香脆可囗，入囗皮脆肉鬆化黑椒薯仔炒一囗牛薯仔好脆，牛肉好濃牛味，薯仔和牛肉切到細細粒一囗搞掂啫啫通菜煲熱辣辣出晒煙，通菜嫩滑非常惹味西蘭花炒鮮魷鮮魷彈牙，西蘭花爽囗估唔到試唔到想試個間，反而發現到一間噤正嘅食店

大約一個月之前聽同事講話新開張幾好食，食過一次都叫中規中矩，不過不失諗住番食。今次叫肥叉燒肉飯，黎左全瘦叉，燒肉甩皮，無層次，又係全瘦，淨番啲皮仲要唔脆。硬哽左一半，好失望，一定唔會再去。

星期六同屋企人去石門食野，見間間都排哂隊，只有呢間條隊短啲，太肚餓之下就決定試新野啦。睇到餐牌除左燒味之外，小炒種類幾多，仲有海鮮添。所以叫咗個黑椒燒鵝下庄，伴碟有幾塊酸蘿蔔都幾有心思。墨魚餅大塊得黎好雪白同彈牙😋😋。蟶子都好鮮甜👍🏻👍🏻黑椒牛柳粒好夠鑊氣，薯仔掛滿蜜糖汁，甜甜地同黑椒好夾，不過如過啲薯仔脆啲就更好啦。小炒味道濃啲都預咗，估唔到佢地有自家製羅漢果雞骨草茶，加個蛋白杏仁茶做結尾真係好滿足。

我喺石門返工，剛去試吓佢嘅招牌黑椒燒鵝外賣，返到公司，一睇只有皮同骨頭，加少少少肉，會否太過份！想去嘈佢地！ 但費事勞氣！ 明天公司出通告，全公司所有員工不得去這間餐廳，費事啲同事食垃圾咁！ ！！！咁嘅質素，一定冇回頭客我嬲到，馬上註冊OpenRice戶口，就係要寫這個食評！！！！！！！！！！！！！太過份！ 佢地可能見我叫外賣就被啲餸頭餸尾我！ ！！！！！！！！！！！！！一定要全公司不得幫襯呢間餐廳仲要浪費我時間去寫食評！！好彩石門唔係得一間燒味店！

星期日第一次來試，比佢招牌黑椒燒鵝所吸引, 所以前來試試。第一味黑椒燒鵝 下莊，味道還可以， 不算太鹹多味精 ，略嫌黑椒味唔夠 ，但敗筆之處就是燒鵝太肥 ，肥到有點想退貨，當然最後沒有;😭第二味椒鹽九肚魚，炸落香口算不錯 ， 九肚魚都算肥肉新鮮 ;第三味椒絲腐乳通菜 ，夠鑊氣味道不錯 ;第四味招牌拔絲咕嚕肉 ，酸酸甜甜幾好味 ，而且做到脆卜卜的效果 ，可值一試。最後總結 ，如果用黑椒燒鵝做生招牌 ，可算是敗筆之作 ，但小炒方面都有水準的，夠鑊氣好味道。

今日甘岩到石門睇樓，見到有間叫富豪燒臘飯店既店鋪。給區果句（飄洋過海來吃鵝）吸引左我入去。間店最大特色系澳門黑椒燒鵝，因為之前自己在澳門做野，所以同老婆決定入去試試。入去點左個黑椒燒鵝下庄，好吃，同澳門XX記有得比，鵝肉充滿黑椒既香味而吾會辣口，皮脆肉軟。老婆點左個乳豬三寶飯，叉燒肥而不膩，入口松化，乳豬皮脆，總既來講好吃。正。決定下次入來試下區晚飯既小菜。仲有充滿回憶既（澳門骨煲），好期待下次再試。

不經不覺沙田石門開了許多食肆，而此店剛開業無耐，店內環境光鮮闊落，生意看來不錯，去到就不用等位，但我依然要求外賣拎走。門面海報見有標榜澳門黑椒燒鵝，今次就試試有幾好味，同事就點雙拼燒味飯，可以和同事交換餸試下味。黑椒燒鵝皮食落幾香口惹味無咩肥膏，黑椒味不算濃味道剛好，鵝肉比較少得四舊，兩舊仲要係無肉。雙拼飯係义燒油雞，义燒肉質疏軟入味，油雞無咩肥膏味道不過不失尚算合格。整體上唔算抵食，但燒味算係有D質素的。

發現在公司樓下新開了一間燒臘茶餐廳，早前因為每天都有10多人在門外排隊，所以開了一排我們才去試一下。我們吃了三種燒味，包括招牌黑椒燒鵝、蜜汁叉燒和乳豬。先說一下招牌黑椒燒鵝，這個配搭很新鮮從來沒有試過，但竟然出奇地匹配！黑椒汁只是微辣但是很香，燒鵝汁皮脆多汁！再說一下叉燒，每一舊都是肥瘦適中，香甜蜜糖味和叉燒豉油平衡得很好！就算是受的部位也是很稔，很多肉汁不會很乾！最後說一下乳豬，比較授和不夠肉，但也是很香脆！最後一題幾點：每個餐都可以真煩或者湯米粉，黑椒汁不夠的話可以再添！不另收費，這點是很貼心的。還有跟餐附送的那一碗例湯，是很有誠意的一碗呢！但是乳豬黑椒燒鵝米要$98 ，價格較高，可以平民一點就更好了！