Video
Read full review
2024-03-21
13 views
難得有假放就嚟屋企樓下呢一間咁有特色嘅餐廳食晚飯。好得意㗎，呢度係用黑熊做主題，有熊公仔擺設同油畫，一入到門口就有唔同嘅小食show出嚟好吸睛。仲有大大個coffee bar，見到就覺得個人relax晒。揀完一輪之後，嗌左鰻魚飯定食，茄汁大蝦扁意粉，黑熊特飲，熱情果檸檬梳打，藍莓忌廉芝士 croffle 同埋香蕉香草芭非。嗌咗嘢食冇幾耐就有嘢食啦，個鰻魚飯拎上嚟就好香，仲有少少魚乾腌菜配埋一個麵豉湯。鰻魚飯都唔孤寒㗎，有成條再加上成碗飯勁大兜。燒鰻魚勁香唔會話好多骨，珍珠米再加埋燒汁送飯一流，充滿日式風味。茄汁大蝦扁意粉好特別，食得出佢嗰個茄汁係自家製應該落咗啲cream唔會太酸，而且有新鮮蕃茄味，大蝦超級大隻，而且彈牙又入味，正。個黑熊特飲好特別，有黑咖啡做底，咖啡咖啡偏酸，面頭仲有咖啡味嘅雪糕，唔會太甜，而且可以中和到呢個咖啡偏酸嘅味，配合得好好。熱情果檸檬梳打檸檬味好出，而且有陣陣百香果嘅味道攪勻咗之後飲可以中和返意粉嘅酸味配搭一流。食到咁上下終於可以食甜品喇，我就鍾意呢個香蕉蜜桃巴非，香蕉同埋蜜桃甜甜酸酸配埋乳酸，甜甜地加埋下面嘅粟米脆脆又有啲脆脆嘅口感，互相配合，甜甜酸酸非常
好得意㗎，呢度係用黑熊做主題，有熊公仔擺設同油畫，一入到門口就有唔同嘅小食show出嚟好吸睛。
仲有大大個coffee bar，見到就覺得個人relax晒。
揀完一輪之後，嗌左鰻魚飯定食，茄汁大蝦扁意粉，黑熊特飲，熱情果檸檬梳打，藍莓忌廉芝士 croffle 同埋香蕉香草芭非。
嗌咗嘢食冇幾耐就有嘢食啦，個鰻魚飯拎上嚟就好香，仲有少少魚乾腌菜配埋一個麵豉湯。鰻魚飯都唔孤寒㗎，有成條再加上成碗飯勁大兜。燒鰻魚勁香唔會話好多骨，珍珠米再加埋燒汁送飯一流，充滿日式風味。
茄汁大蝦扁意粉好特別，食得出佢嗰個茄汁係自家製應該落咗啲cream唔會太酸，而且有新鮮蕃茄味，大蝦超級大隻，而且彈牙又入味，正。
個黑熊特飲好特別，有黑咖啡做底，咖啡咖啡偏酸，面頭仲有咖啡味嘅雪糕，唔會太甜，而且可以中和到呢個咖啡偏酸嘅味，配合得好好。
熱情果檸檬梳打檸檬味好出，而且有陣陣百香果嘅味道攪勻咗之後飲可以中和返意粉嘅酸味配搭一流。
食到咁上下終於可以食甜品喇，我就鍾意呢個香蕉蜜桃巴非，香蕉同埋蜜桃甜甜酸酸配埋乳酸，甜甜地加埋下面嘅粟米脆脆又有啲脆脆嘅口感，互相配合，甜甜酸酸非常之開胃。
我最欣賞嘅係croffle覺得好香脆，而且層次分明，加埋cream cheese可以中和返佢嘅甜味，所以唔會好漏，食一份啱啱好。
Post
