一芳台灣水果茶 (大埔超級城B區)

Open Now

Now Closed

剛剛行行下街突然想飲台式飲料，於是去一芳試一試大熱既黑糖珍珠鮮奶。排隊既人唔多，所以好快就可以落到單，不過店員提醒呢款飲品唔可以改冰度同甜度，因為會影響到飲品既味道。過左一陣就拎到飲品，鮮奶同黑糖珍珠既層次好分明，店員亦再次提醒需要搖勻先飲，之後飲料就變成奶茶顏色。可能仲有大量冰係面層未溶，味道感覺比較甜，但鮮奶味仍然重，黑糖珍珠煙煙韌韌而且咬好耐都仲有黑糖味，兩者味道合襯之餘又唔會蓋左大家本身既味。冰溶晒之後，味道反而剛剛好，冇先前咁甜。如果怕甜既朋友，可以等冰溶化後飲比較好。但整體味道都唔錯。