一芳台灣水果茶 (大埔超級城B區)

Open Now

Now Closed

咁岩去左中環，就醒起中環街市開左一芳一芳位於1樓，都好易搵😌睇到一芳最近出左個綠豆系列，決定叫返杯綠豆沙牛奶試下😌綠豆沙牛奶有中杯同大杯，今次揀左大杯$39可以轉燕麥奶，可以少冰😌店員仲細心提醒要攪勻哂先好飲🤣飲完覺得綠豆沙味好出，但蓋過左牛奶味，味道還可以，有機會試下轉燕麥奶睇下會唔會好啲😛綠豆系列仲有仙草綠豆冰沙，唔鍾意牛奶既朋友仔可以試下揀依款🫶🏻依間人流唔算多，唔洗等好耐就已經拎到杯野飲❤️有機會會再回訪😛

其實一向不知道眾多台式飲品店味道有什麼分別，就好似以前的日出茶太，明明當時成行成市，怎麼突然間話執就執，不剩一間? 歇腳亭反而越開越多，久久都沒有太多執笠，反而這間一芳，亦都好像趨之若鶩，人們都十分喜愛。但其實，這次試過這間一芳，只要這個原味奶茶加仙草以及他當時推廣的寒天，其實都沒有什麼特別，茶香不算特別濃郁，畢竟我們這些喝開茶餐廳奶茶那些的人，都不會特別喜歡這種台式味道偏甜的奶茶。仙草亦都不見得有什麼特別，只覺得有點兒甜味，和普通港式涼粉其實有什麼分別，可能沒有了港式涼粉那種苦味涼味吧。寒天晶球，和印象中的差不多，一粒粒的寒天，比較煙韌彈牙，加$5不是問題，不過這杯大杯奶茶要整整40多元，委實不便宜，雖然都算是看到飽飽的，不過40多元一杯奶茶，我想，歇腳亭/ COME BUY應該$30以內都應該有交易了吧。

嚟到大埔，見天氣都開始越嚟越熱，想降一降溫，咁就飲杯凍野先！咁呢！小編都係鍾意飲純茶，貪佢夠健康呀嘛！都飲過唔同分店嘅一芳既！但係唔同分店都會有啲差距嘅 ！今次我都係叫左日月潭紅茶，呢間分店啲茶底就會比其他分店較為淡少少，不過都可以接受嘅well done, 而甜度小編都係叫正常甜嘅！味道都係差唔多！分量方面其實算唔差㗎喇！都覺得抵飲嘅！值得飲既！開喺商場入面都方便到好多人嘅，係個有冷氣地方飲住杯凍野，真係都幾舒服下！

2020年06月06日同同事食完晏經過一芳。就決定叫杯野飲飲下。唔知係咪因為星期六。門口都幾多人。我叫左杯一芳水果茶。同事叫左杯埔里百香綠。仲有杯黑糖粉圓鮮奶。想叫曬半糖少冰。但杯黑糖粉圓鮮奶冇得改。跟住就除左杯黑糖粉圓鮮奶正常。另外兩杯都半糖少冰。黑糖粉圓鮮奶都幾靚。但真係好甜。同埋我個人唔係太喜歡奶。但同事話好好飲。一芳水果茶。埔里百香綠。明明半糖左。但都仲係好甜。唔知點解半糖都咁甜。唔敢想像全糖會甜到點樣。但水果都幾新鮮！

剛剛行行下街突然想飲台式飲料，於是去一芳試一試大熱既黑糖珍珠鮮奶。排隊既人唔多，所以好快就可以落到單，不過店員提醒呢款飲品唔可以改冰度同甜度，因為會影響到飲品既味道。過左一陣就拎到飲品，鮮奶同黑糖珍珠既層次好分明，店員亦再次提醒需要搖勻先飲，之後飲料就變成奶茶顏色。可能仲有大量冰係面層未溶，味道感覺比較甜，但鮮奶味仍然重，黑糖珍珠煙煙韌韌而且咬好耐都仲有黑糖味，兩者味道合襯之餘又唔會蓋左大家本身既味。冰溶晒之後，味道反而剛剛好，冇先前咁甜。如果怕甜既朋友，可以等冰溶化後飲比較好。但整體味道都唔錯。

平日小食生果，間唔中飲番杯水果茶，解喝之餘仲可以補充維他命😆一舉兩得呀！仲記得以前出名水果茶就係台灣的咖啡弄，即使見到勁多人，都忍唔住要排隊去飲。宜家香港都愈黎愈多Cafe或飲品店都有水果茶既出現，實在太方便。雖然選擇多，但水果茶始終鍾情「一芳」水果茶入面仲有橙肉同蘋果片等，如果可以揀多茶少水果就好喇，不竟叫得飲品都係想飲多過食！自己一直點開半糖覺得可以喎，飲落充滿酸酸甜甜既果香，而且百香果味重，茶既味道都ok。

天氣有點涼，就想吃點薑。一芳的「薑汁粉圓鮮奶茶」，一杯滿足晒3個要求！薑汁味好濃，加上鮮奶茶，飲一啖，成個人都暖呼呼的。還有粉圓，飲一杯真係暖身又飽肚。而且是冬季限定，一定要試！

今日食完飯， 呢幾排食得真係好鬼肥膩， 熱氣死我喇， 經過大埔嘅一方， 睇下有冇啲飲品可以清下熱 降下火， 咁我就試下佢哋嗰杯冬瓜茶， 其實我通常都會試佢哋個杯水果茶或者係奶茶， 但為咗清下熱就試下去地杯冬瓜茶， 杯茶出奇地好飲， 飲落去好似有少少炭燒味 ， 甜甜地幾好飲。 20蚊杯 價錢都ok呀。 大家可以試試看哦!

「一芳」在港已有不少分店，主打「台灣水果茶」人氣高企，既然大埔中心有分店，咁大埔友就梗係要試一下啦！好奇怪，香港的台式飲品熱潮持續增加，近年不斷有台灣過江龍來港開新店，真係花多眼亂！每間都試一杯珍珠奶茶我都好唔得閒，用鮮泡茶、鮮奶及鮮水果等天然食材，感覺真係健康好多。味道都算幾好，口味健康，人龍都要等一段時間。我最愛的還是經典的珍珠奶茶，近期大熱的還有黑糖珍珠鮮奶茶。珍珠煙煙韌韌，茶味夠濃，奶味香，喝下去順滑香口。

個人好鐘意飲台灣水果茶，以前一出荃灣一定去荃新天地飲返杯開心下，最近搬左來大埔，終於唔先去街先有得飲啦😍 今日心血來潮，落去買來飲，平時叫來叫去都不外乎宜蘭金柑綠，水果茶或者信義脆梅綠。今次叫左宜蘭金柑綠加愛玉、少糖（其實想半糖，不過上次荃灣分店個姐姐話酸既飲品最好少糖，唔係怕太酸，點知真係啱啱好）。叫完等左幾分鐘就有得拎，其實都好快。味道上來講同荃灣分別唔大，好好味，平時叫水果茶好鐘意食埋d水果，不過呢杯我加左愛玉，一樣好味、愛玉同金柑綠茶既味道好夾，而且有野咬下好開心🤣

同內子食完個ｔｅａ，行到一田見有Ｄ渴就埋左去一芳。初初開時都有飲過佢Ｄ水果茶，茶底都幾好，又有好多水果。但內子係珍珠奶茶控，所以就叫左杯每日限量既黑糖粉圓鮮奶茶，又食到珍珠，又可以試下個茶底。呢杯既冰度同甜度係固定左冇得揀既。珍珠口感唔錯，同個甜度都ＯＫ。但個奶茶就一般，茶味比較淡口。Ｄ冰再令到個奶茶味更淡。都係係飲返水果茶穩陣Ｄ。

熱潮已過，星期六晚上七點多買，還有限量發售的黑糖粉圓奶茶不過糖份冰度也是固定，因為是外賣回家，冰已經溶曬呢。這是L size 的，黑糖粉圓佔了半杯，比普通的珍珠細粒，而且有彈性，不過飲落就偏甜呢。一定要攪渾才飲，奶茶也有點點茶味，試一次就夠了，可以試其他呢。另外，買了杯一芳水果茶，去冰，半糖，即時飲。有蘋果橙同一些籽，不知是否半糖的關係，偏酸但其實也很甜呢，整杯水果茶的味道就像是熱情果茶呢，喜歡熱情果的應該不錯吧。我想這水果茶也是試一次便夠了。

如果以香港黎講想搵水果茶數一數二，一芳都真係榜上有名。自己就習慣叫無糖❌，但都會飲到水果帶出既清甜味道，特別係熱情果既酸酸甜甜，令成杯茶🍵更加生津解渴。而老實講，茶味既濃厚度我認為係視乎每間分店既沖泡，有時會飲到好淡有時就好濃。而今次就岩岩好，清香茶味加上各種特性水果🍎🍊配合，真係唔錯。不過，唔知係咪冬季水果唔當做，比起夏季少左水果數量同種類🍍。不過都仲係好飲既👍🏻。

連吃兩餐之後，肚子飽到一個點，要行街消化下才可以繼續掃街之旅。在大埔超級城逛了一大輪之後，想找個地方喝個東西，但都沒找到可以坐下"只"喝杯東西的地方，無奈之下只能折返一芳買杯外賣吧。老實講，現在好多地方都有一芳，但其實我從來沒光顧過。一開始的時候是不想要排隊，到後來開到區區都有的時候又已經沒了衝動，這次也算機緣巧合吧，就來試它一試。金峰洛神檸檬，主要看中有洛神花希望可以幫助消化，但原來這杯的甜度沒得選，只能期望檸檬夠酸了。入口那一下，是洛神花的味道，很甜，再慢慢地回酸，但也不是太酸，檸檬的味道不太出，總體來說還是偏甜。相反朋友點的一芳水果茶，入口是酸的，但后調會變甜，總體也是甜。本來是想用飲品來解膩一下的，怎知喝完更加的飽了。好吧，這次的一芳體驗就是，甜，水果味其實不太突出，是不難喝啦，但以將近30大元一杯的主推的水果茶來說，性價比不太高啊，估計不是沒有其他選擇的話，我個人應該是很難有下次。

一芳其實開咗好耐，但係肥妹今日先去試肥妹都知自己比較太慢、追趕唔到潮流，但因為我真係好怕排長龍啊，今日見到居然唔係太多人，即刻衝左入去買咗杯水果茶。雖然佢嘅推介係微甜或者正常嘅，但係肥妹無咩quota，所以就揀咗微微甜及少冰！之前朋友一直都話水果茶來講，覺得一芳係最值得推介嘅，今日一試，我終於明白點解佢咁講啦！百香果嘅味道非常之濃郁的，有好多百香果，所以飲落非常有口感。加上蘋果同橙，酸酸甜甜，味道非常之好，而且你都會飲到佢嘅茶味、唔會純粹得水果嘅甜味。雖然係比較肥仔，但係我覺得呢個係值得encore架。