樂啡 (Moved) New Location

今日難得入去屯門探朋友，就搵個靜靜嘅地方坐下。大約正午12點到埗，同場另外兩張枱都有客人（即係唔算多人）。現場環境設有多部hifi….備有黑膠唱片及普通唱片點歌服務。老闆好樂意同你傾偈（如果你想回應佢嘅話）。枱面有提示，要求食客餐後自己處理紙巾及飲管。我哋Order 咗Mocha & Cappuccino(沒有朱古力粉作topping). 咖啡係nutty 感較早，外面純飲咖啡店較少使用（味道與某連鎖店”PO”字頭相若）。而Main course 叫咗本日午餐，即All Day Breakfast 及 卡邦尼意粉，可惜意粉較乾，近乎沒有卡邦尼汁，亦都冇乜忌廉味。而All day breakfast 亦都冇乜驚喜，只係個炒蛋炒得好滑。最後再叫多個甜品玉桂蘋果waffle….窩夫質感煙韌，唔係空心hea你嗰啲，加分。而個玉桂蘋果醬味道都OK，旁邊加條疑似雪條，擺明係想食客打卡，但口感麻麻哋，隨時係把20分鐘都唔會點溶化用嗰種「雪條」。