Video
Read full review
2023-06-24
3638 views
講到近期最HIT嘅cafe一定係呢間！連平日晏晝到訪都要排一個鐘。餐廳店面幾大，樓底夠高幾寛敞舒適，門口仲有個仙人掌伴漂浮雲朵打卡位。除左主打嘅日式刨冰、聯乘THE BAKERISM嘅獨家限定甜品，鹹點小食亦係誠意之作。絕對係回頭之選！▪️芋泥芋圓牛乳刨冰 $98完全係為左呢個冰而黎！面頭有一大pat芋泥，入口幾香芋頭味，保留左啲芋頭蓉同芋頭粒，不過質地較黏稠 唔似平時個啲咁順滑。估唔到食到中間都仲有芋圓同芋泥！芋圓意外都唔會變到好硬，相當煙韌，不過芋香偏淡。刨冰以日本直送冰磚製成，口感綿密，每一啖都好香甜，唔會話食到底就無晒味~▪️特級濃厚黑芝麻刨冰 $128估唔到呢個更有驚喜！食到中間竟然有軟滑濃郁嘅黑芝麻雪糕！由頭食到尾都好重黑芝麻味！入面仲有蕨餅增添口感，有咬口得黎唔會太韌。▪️大阪燒 酸種麵包 $138酸種麵包烘得超酥脆，配埋椰菜絲、酸甜醬汁同沙律醬，味道十足大阪燒！面頭兩粒帶子超大超厚肉，煎得岩岩好，口感軟嫩。炸蝦香脆唔油膩，唯獨粉漿偏厚。想打卡仲可以加$15要隻太陽蛋~▪️腐乳卡邦尼意粉 $118呢款就相對失色，食落比較似一般有加忌廉嘅carbonara，腐乳味較淡。勝在意粉軟硬
除左主打嘅日式刨冰、聯乘THE BAKERISM嘅獨家限定甜品，鹹點小食亦係誠意之作。絕對係回頭之選！
▪️芋泥芋圓牛乳刨冰 $98
完全係為左呢個冰而黎！面頭有一大pat芋泥，入口幾香芋頭味，保留左啲芋頭蓉同芋頭粒，不過質地較黏稠 唔似平時個啲咁順滑。估唔到食到中間都仲有芋圓同芋泥！芋圓意外都唔會變到好硬，相當煙韌，不過芋香偏淡。刨冰以日本直送冰磚製成，口感綿密，每一啖都好香甜，唔會話食到底就無晒味~
▪️特級濃厚黑芝麻刨冰 $128
估唔到呢個更有驚喜！食到中間竟然有軟滑濃郁嘅黑芝麻雪糕！由頭食到尾都好重黑芝麻味！入面仲有蕨餅增添口感，有咬口得黎唔會太韌。
▪️大阪燒 酸種麵包 $138
酸種麵包烘得超酥脆，配埋椰菜絲、酸甜醬汁同沙律醬，味道十足大阪燒！面頭兩粒帶子超大超厚肉，煎得岩岩好，口感軟嫩。炸蝦香脆唔油膩，唯獨粉漿偏厚。想打卡仲可以加$15要隻太陽蛋~
▪️腐乳卡邦尼意粉 $118
呢款就相對失色，食落比較似一般有加忌廉嘅carbonara，腐乳味較淡。勝在意粉軟硬適中，裹滿creamy醬汁，另加$15嘅水波蛋增添左唔少蛋香。
▪️芝士咖喱和牛肉醬薯條 $68
薯條無論味道同口感都十足薯格，齋食都好香口。加埋甜甜地微辣嘅咖哩肉醬，更惹味
▪️Canelé Affogato $88
無晒單點嘅Canelé，唯有嗌個Canelé affogato試試 @thebakerism 嘅岀品~ 可麗露外層(無掂到雪糕嘅個啲位)都幾香脆，內𥚃濕潤煙韌，焦糖香幾岀~ 雪糕軟滑富奶香，加埋香濃嘅espresso，基本上係不敗組合。中間仲有超多脆脆同Canelé，好足料！但建議大家儘快食，如果唔係好大機會腍晒
▪️青提梳打 $40
望落平平無奇，一啜又有驚喜！好多果肉好香果味，即使無嗌少甜，甜度都ok喎~
Post
