Domon 居酒屋 (淘大商場3期) (Closed)

琴日周圍水浸，出面仲係黑雨，去附近搵吓食先。發現居酒屋居然有開，仲有下午茶食，一於入去會下佢。呢間舖頭喺深啡木色牆身，配配黃色嘅燈光，顯得有d昏暗，有d情調來。有卡位同普通座位。我哋琴日坐卡位，座位算寬敞。吉列豬扒定食豬扒略嫌細塊，但都炸得香脆，伴有胡麻沙律醬伴菜，麵豉湯唔鹹，有豆腐同海帶，個餐重有中華沙律，飯量都夠。燒鯖魚定食鯖魚d邊，燒得好香脆，條魚配有檸檬同燒汁，好好食。沙律菜新鮮，有埋中華沙律拌飯，珍珠米粒粒分明，好食。所有餐都配有飲品，我哋揀咗橙汁。