焗廚 (Closed)

話說我都好一段時間無寫食評，時不時遊走荃灣嘅我，偶爾會經過此店。好深刻印象我上一次幫襯食過乜、寫過乜。好耐無再幫襯，原因……。時隔多時，今日特意再來探究店家對客人意見珍而重之，還是視之如無物。結果……差不多三點，枱上放滿各種餐牌，有啲頭痕。搵到個茶餐牌，有飯食，店員……呀！以佢嘅氣場來判斷，應該係老闆，問我食乜嘅語氣，令我感覺猶如置身澳牛，Amazing! 叫左一個墨西哥汁雞飯，叫飲品，"凍檸茶"，"無！無茶！"，"咁有咩？"，阿老闆喺堆餐牌當中淘到張飲品menu，叫我自己睇, 講都廢事飯到，其實感受完氣場，食乜都唔多愉快，況且佢個雞飯，汁多雞少，不過我認為個汁係OK，少少辣，撈飯可以，至於雞就好少，唔超過五舊，size比麥樂雞還要細，係煎過嘅雞扒，雞唔乾唔硬，而啲飯當然唔會比靚米你食，我亦唔會奢求食物算唔上好味，服務………真係睇你好唔好彩，我見另一個女店員十分有禮貌，阿老闆啲面色都係留番比伙記睇啦，我黎食個飯啫，唔係要你熱情，但至少都比客人舒舒服服用餐丫