Video
Read full review
2011-11-05
226 views
由於上次肥鄧遇襲中伏 , 所以上次黑食會就變左三缺一, 探過老三後嘅兩個星期, 黑食會重新啟動, 而是次黑食會就依舊由串爆揸莊! 串爆今次都係揀番之前嗰間, 就係搵新彊佬傾下計! 聽聞新彊佬有一樣出位野, 就係燒羊腿, 於是串爆亦了預先响朵, 留枱時亦同新彊佬預留一份燒羊腿, 相信事前串爆亦已千叮萬囑, 叫新彊佬咪失手勢!當日串爆率先帶同肥鄧, 大聲去到新彊佬嘅地方, 至於吹雞當然係做完正經野才出現, 亦趁機耍下大牌! 去到新彊佬地盤, 發覺都幾多人撐佢, 雖然地點唔方便, 但亦冇影響佢嘅叫座力, 睇黎新彊佬確係有一手! 坐底後已經知道落左單, 聽番肥鄧話, 新彊佬嘅門生叮囑唔需要柯打太多, 因隻羊腿份量好大, 所以淨係揀左兩款餐前小吃, 分別係生椒牛肉和涼伴豆腐! 先講下生椒牛肉, 牛肉入口比較乾身, 味道都算幾惹味, 不過唔太辣, 坦白講算不上高水準, 絕非不吃不可, 但倘若喜歡牛肉, 亦不防一試; 涼伴豆腐配上皮蛋和豉油, 帶出的感覺真的不錯, 豆腐香滑加上入口清新, 而皮蛋亦好味, 清清涼涼, 非常醒胃, 絕對值得一試! 接近吃完兩道前菜後, 主角燒羊腿亦同時登場, 當新彊佬
當日串爆率先帶同肥鄧, 大聲去到新彊佬嘅地方, 至於吹雞當然係做完正經野才出現, 亦趁機耍下大牌! 去到新彊佬地盤, 發覺都幾多人撐佢, 雖然地點唔方便, 但亦冇影響佢嘅叫座力, 睇黎新彊佬確係有一手! 坐底後已經知道落左單, 聽番肥鄧話, 新彊佬嘅門生叮囑唔需要柯打太多, 因隻羊腿份量好大, 所以淨係揀左兩款餐前小吃, 分別係生椒牛肉和涼伴豆腐!
先講下生椒牛肉, 牛肉入口比較乾身, 味道都算幾惹味, 不過唔太辣, 坦白講算不上高水準, 絕非不吃不可, 但倘若喜歡牛肉, 亦不防一試; 涼伴豆腐配上皮蛋和豉油, 帶出的感覺真的不錯, 豆腐香滑加上入口清新, 而皮蛋亦好味, 清清涼涼, 非常醒胃, 絕對值得一試! 接近吃完兩道前菜後, 主角燒羊腿亦同時登場, 當新彊佬嘅門生攞出黎話準備幫手斬開時, 當然第一時間要阻止, 皆因點都要幫隻羊腿影番張遺照!
拍完照後先攞去斬, 講真羊腿個SIZE真係幾大隻, 睇下相就知啦! 當新彊佬嘅門生斬完羊腿後, 亦立即開餐, 羊腿伴上餅皮, 再塗上少少酸甜醬, 食法就有如片皮鴨咁, 入口發覺羊腿外邊嗰層燒得幾脆, 而肉身亦勁鬆軟, 半點老和乾身都食唔到, 唯一可惜係唔夠酥香, 若然再酥少少, 相信會更加吸引, 不過咁樣食羊腿都係第一次, 絕對必食次選, 值得一試, 串爆果然冇介紹錯, 掂!
羊腿份量雖然夠大夠多, 但對於肥鄧,串爆, 大聲同吹雞黎講直頭係濕濕碎, 所以亦另加左三款小菜, 分析係乾扁四季豆同老虎菜, 再加多一客串燒羊肉! 乾扁四季豆炒得乾身, 四季豆爽口, 而伴碟炒的辣椒乾微辣, 極度惹味, 超正; 而老虎菜係一道幾特別嘅菜式, 食完都唔知食咩, 有少少似沙律咁, 清清涼涼爽爽, 幾得意! 最後係串燒羊肉, 呢個串燒同剛剛的羊腿分別唔算好大, 串燒羊肉味道普普通通, 不過肉質又唔夠羊腿靚, 更加唔酥, 如果冇機會食燒羊腿, 呢個串燒都係可以一試, 如果會吃燒羊腿, 就應該可以不理!
總括黎講食物質素甚高, 環境舒服, 服務態度友善, 未知是否串爆已一早响朵所致呢? 至於價錢亦接受到, 埋單八一四元, 淨係燒羊腿都要三六八啦, 每人都係兩舊水多少少, 就可以試到咁高質嘅燒羊腿, 絕對抵食! 是次對串爆嘅安排和揀選真的十分滿意, 值得高度表揚, 以示加許! 黑食會之怒斬羊腿真的非常美滿, 更期待兩星期的黑食會, 皆因由吹雞揸莊! 是次絕對配得上一個笑臉, 仲會唔會黎呢? 相信機會不大, 始終地區唔太方便!
Post
